Mumbai-Pune Expressway Truck Fire : मुंबई पुणे एक्सप्रेस वेवर ट्रकला भीषण आग लागल्याची घटना घडली आहे. ही आग एवढी भीषण होती की त्यात ट्रक पूर्णपणे जळून खाक झाला आहे. ट्रकला आग लागली तेव्हा खूप उंचीपर्यंत धुराचे लोळ दिसत होते. या घटनेचा व्हिडिओ देखील समोर आला आहे.

मुंबई पुणे एक्सप्रेस वेवर खोपोलीजवळ पुणे लेनवर ही घटना घडली. ट्रकला आग लागल्यानंतर या ठिकाणी लोकांची आरडाओरड व्हिडिओत ऐकाला येत आहे. या घटनेनंतर एक्सप्रेस वेवरील दोन्ही बाजूकडची वाहतूक काही काळासाठी बंद करण्यात आली. पुणे लेन पूर्णपणे बंद ठेवण्यात आली होती. तर मुंबईकडे जाण्यासाठी खोपोली एक्झिटकडून मार्ग मोकळा करण्यात आला. (Mumbai News)

दरम्यान दोन दिवसांपूर्वी कोल्हापूरमध्ये देखील बसला आग लागल्याची घटना घडली होती. शहरातील तावडे हॉटेल परिसरात ही घटना घडली. ही आग एवढी भीषण होती की त्यात बस जळून खाक झाली. तावडे हॉटेल परिसरात केएमटी बस ही आग लागली. शॉर्ट सर्किट होऊन ही लागली असावी अशी प्राथमिक माहिती समोर आली. सुदैवाने या घटनेत कोणतीही जीवितहानी झाली नाही.