ज्ञानेश्वर हिंगोलीकर -

पुणे : पुण्यात शाळेची फी (School Fees) भरली नाही म्हणून इयत्ता ४ थीच्या वर्गात शिकणाऱ्या ९ वर्षीय विद्यार्थ्याला एका खोलीत कोंडून ठेवल्याचा धक्कादायक प्रकार समोर आला आहे. आरोप पालक रमेश शाहू यांनी केलाय. ४ एप्रिल रोजी ही धक्कादायक घटना घडली. कोठारी इंटरनॅशनल शाळेच्या (Kothari International School कर्मचाऱ्यांनी रमेश साहू यांच्या पाल्याला कोंडल्यानंतर शाळेचे कर्मचारी ईतके असंवेदनशील वागतात कसे? असा प्रश्न साहू यांनी विचारला. पालक रमेश साहू यांनी शाळेविरोधात तक्रार केली मात्र, शाळाप्रशासाने आरोपांचे खंडन केले. सामची टीम शाळेत (School) पोहचल्यानंतर शाळा प्रशासनाने कॅमेऱ्यासमोर बोलण्यास नकार दिला.

कोरोनानंतर शाळा पुर्ववर्त सुरू झाल्यानंतर ४ एप्रिल ही घटना घडली आहे. सदरचा विद्यार्थी वर्गात जाताच कर्मचाऱ्यांनी त्याला खेळणी व पुस्तके असलेल्या दुसऱ्या खोलीत नेले आणि तेथे त्याला कुलूप लावले. मुलाने दार वाजवून मदतीसाठी आरडाओरडा केला. मात्र, कोणीही मदतीला आलं नाही. जवळपास पाच तास या मुलाला कोंडून ठेवल्याचा आरोप पालकांनी केला आहे.

मुलाच्या वडिलांनी सांगितले की, मुलाची फी भरायला उशिर झाल्याने त्याला वर्गात जाऊ दिले जाणार नाही, असा फोन आल्यानंतर ते शाळेत गेले. ते शाळेत पोहचले असता त्यांना मुलाला घेऊन जाण्यास सांगण्यात आले. तसंच मुलाला शाळेतून आणण्यासाठी गेले असता ही घटना उघडकीस आली.

हे देखील पहा -

दरम्यान, त्यांनी शाळा प्रशासनाशी बातचित केली तेंव्हा, एकतर फी भरा किंवा शाळा सोडल्याचा दाखला घ्या असे सांगितलं असल्याचे पालक म्हणाले तसंच “त्यांनी मला सांगितले की त्यांनी अनेक ईमेल पाठवले आहेत पण त्यांच्याकडे माझा ईमेल आयडी नसल्याने ते मला दाखवू शकले नाहीत”, असही पालकांनी सांगितंलं.

मात्र, शाळा प्रशासनाने हे सर्व आरोप फेटाळून लावले आहेत. शाळेत असा कोणताही प्रकार घडला नाही. आम्ही आमच्या सर्व विद्यार्थ्यांशी प्रेमाने वागतो, आणि कोणीही खोलीत बंद किंवा उपाशी नव्हते. ज्या पालकांनी हे दावे केले आहेत त्यांनी शाळा सोडल्याचा दाखला मागितला होता तो त्यांना दिला आहे असं ते म्हणाले.

Edited By - Jagdish Patil