पुणे : राज्यभरात स्त्रीशक्तीचा जागर होत असला तरी स्त्रीभ्रूणहत्या थांबलेल्या नाही. नुकत्याच जन्मलेल्या 'नकोशी' ला रस्त्यावर फेकल्या जात असल्याचे विदारक चित्र पाहायला मिळते. अशीच एक घटना खेड Khed तालुक्यातील कोये गावात मध्यरात्री घडली आहे.

हे देखील पहा-

खेड तालुक्यातील कोये गावालगत नुकतेच जन्मलेले स्त्री जातीचे नवजात अर्भक सोडल्याचा धक्कादायक प्रकार घडला पहाटेच्या सुमारास घडला आहे. बाजुलाच असणाऱ्या एका महिलेला बाळाचा आवाज आल्यानंतर ग्रामस्थांच्या मदतीने बाळाला प्राथमिक उपचारासाठी पाईट येथील प्राथमिक आरोग्य केंद्र दाखल करण्यात आले. बाळाचे वजन 3 किलो असुन नुकतेच जन्मलेले आहे. त्याच्यावर प्राथमिक उपचार करुन चाकण पोलीसांच्या मदतीने बाळाला पुढील उपचारासाठी पुण्याला पाठविण्यात आले असल्याचे डॉक्टरांनी सांगितले.

'नकोशी' रस्त्यावर फेकलेल्या अवस्थेत आढळली. काही तासांपूर्वीच जन्मलेली ही 'नकोशी' सुखरूप असली, तरी तिला निर्दयपणे गावाच्या बाजुला निर्जन ठिकाणी फेकल्याने सर्वत्र संताप व्यक्त होत आहे.

Edited by-Sanika Gade