>> अभिजीत देशमुख..

Manpada News: पोलिसांच्या खुर्चीत बसून रिल्स बनवणाऱ्या एका बांधकाम व्यावसायिकाला मानपाडा पोलिसांनी चांगलाच दणका दिला आहे. डोबींवलीमधील रिलस्टार सुरेंद्र पाटील याच्याविरोधात पोलिसांनी थेट तडीपारीची कारवाई केली असून, नोव्हेंबर २०२२ मध्ये मानपाडा पोलिस ठाण्यात हा प्रकार घडला होता. (Latest Marathi Update)

याबाबत अधिक माहिती अशी की, डोंबीवलीमधील बांधकाम व्यावसायिक आणि रिल स्टार सुरेंद्र पाटील मानपाडा पोलिस स्टेशनमध्ये गेला होता. त्यावेळी त्याने थेट पोलिसांच्या खुर्चीवर बसत एक रिल शूट केले होते. इतकेच नव्हेतर ते सोशल मीडियावर पोस्टही केले होते. हा व्हिडिओ व्हायरल झाल्यानंतर अनेकांनी संताप व्यक्त करत पोलिस कारवाईची मागणी केली होती.

नोव्हेंबर २०२२ मध्ये झालेल्या या प्रकारावर पोलिसांनी कडक कारवाई करत एक वर्षासाठी ठाणे जिल्ह्यातून तडीपारीची नोटीस बजावण्यात आली आहे.

धक्कादायक बाब म्हणजे आरोपी सुरेंद्र पाटीलविरोधात आधीच सात विविध प्रकारचे गुन्हे दाखल आहेत. या सगळ्या गुन्ह्यांवरुन त्याच्यावर पोलिसांनी ही कारवाई केली आहे. याबद्दलची माहिती एसीपी सुनील कुराडे यांनी दिली आहे.. (Thane News)