सरकारी रुग्णालयातील डॉक्टरांनी एका ९ वर्षांच्या मुलावर चुकिची शस्त्रक्रीया केल्यामुळे खळबळ माजली आहे. मुलाच्या पायाला जखम झाली होती. त्यावर शस्त्रक्रीया करण्याऐवजी त्याच्या गुप्तांगावर शस्त्रक्रीया करण्यात आली आहे. महाराष्ट्रातील ठाणे जिल्ह्यातील शहापूर येथील रुग्णालयात हा प्रकार घडला असून याविरोधात मुलाच्या पालकांनी पोलीस ठाण्यात तक्रार दाखल केली आहे.

पालकांच्या तक्रारीनतंर आरोग्य अधिकाऱ्यांना या प्रकरणाची चौकशीचे आदेश दिले आहेत. पोलिसांनीही संबंधितांवर योग्य ती वारवाई करण्याचं आश्वासन दिलं आहे.

पालंकांनी दिलेल्या माहितीनुसार, गेल्या महिन्यात गेल्या महिन्यात त्यांच्या मुलाच्या पायाला मित्रांसोबत खेळत असताना दुखापत झाली. त्याला १५ जून रोजी शहापूर येथील उपजिल्हा रुग्णालयात दाखल करण्यात आले आणि त्याच्यावर उपचार सुरू आहेत. डॉक्टरांनी नुकतीच त्याच्यावर शस्त्रक्रिया केली. मात्र निष्काळजीपणाचा कळस म्हणजे डॉक्टरांनी जखमी पायाऐवजी त्याच्या गुप्तांगावर शस्त्रक्रिया केली. डॉक्टरांच्या चुकीच्या ठिकाणी सर्जरी केल्याचं लक्षात आल्यानंतर त्यानंतर डॉक्टरांनी लगेचच त्याच्या जखमी पायावर शस्त्रक्रिया केल्यांचं त्यांनी सांगितली.

याप्रकरणी पालकांनी शहापूर पोलिसात तक्रारही दिली आहे. याप्रकरणी अद्याप कोणताही गुन्हा दाखल करण्यात आलेला नसला तरी या तक्रारीची चौकशी सुरू असल्याचे एका पोलीस अधिकाऱ्याने सांगितले. जिल्हा सिव्हिल सर्जन डॉ. कैलास पवार म्हणाले की, आरोग्य अधिकारी या प्रकरणाची चौकशी करणार आहेत. वैद्यकीय अधिकारी गजेंद्र पवार यांनी, त्याच्या पायाच्या दुखापतीव्यतिरिक्त, मुलाला फिमोसिस (घट्ट फोरस्किन) ची समस्या देखील होती. त्यामुळे आम्हाला दोन शस्त्रक्रिया कराव्या लागल्याचं सांगत सारवासारव केली आहे.