- सिद्धेश म्हात्रे

नवी मुंबई : डॉक्टरांच्या चिठ्ठीशिवाय गर्भपाताच्या गोळ्यांची विक्री (abortion pills) हाेत असल्याचे निदर्शनास आल्यानंतर अन्न व औषध प्रशासनाने meesho या ई काॅमर्स पाेर्टलवर गुन्हा दाखल आहे. विशेष म्हणजे अन्न व औषध प्रशासनाचे (fda) सहआयुक्त सुनील गवळी (sunil gawali) यांनी स्वत: गाेळ्यांची मागणी करुन त्याचा पूरवठा हाेताच संबंधिता विरुद्ध तक्रार दाखल केली. (meesho portal latest marathi news)

सुरेश मेंगडे (पोलिस उपायुक्त गुन्हे शाखा) म्हणाले ज्या गाेळ्या चिठ्ठीशिवाय देऊ नयेत अशा गाेळ्या मिशो आणि दिल्ली येथील एस. एस. ट्रेडर्स यांच्यावर नवी मुंबईतील एनआरआय पोलिस ठाण्यात (police) गुन्हा दाखल करण्यात आला आहे.

अन्न व औषध प्रशासन विभागाने संबंधित गोळ्यांची online पद्धतीने मागणी करुन आणि त्या प्राप्त हाेताच संबंधितांवर गुन्हा दाखल हाेण्याची ही पहिलीच वेळ असल्याची प्राथमिक माहिती समाेर आली आहे.