डोंबिवली आणि ठाणेकरांसाठी दिलासादायक बातमी आहे. आता डोंबिवली ते ठाणे प्रवास सुसाट होणार आहे.आता डोंबिवलीतील माणकोली उड्डाणपुलाशी संलग्न असलेल्या रेतीबंदर मोठागाव रेल्वे फाटकावरील चार पदरी रेल्वे उड्डाणपूल बांधण्यास मंजुरी मिळाली आहे. रेल्वे प्रशासनाने या प्रकल्पाना मंजुरी दिली आहे. यामुळे मुंबई आणि ठाण्यालगतची वाहतूक कोंडी कमी होणार आहे.

२५ मिनिटांत ठाणे ते डोंबिवली (Thane-Dombivli in Just 25 Minutes)

ठाण्याहून डोंबिवलीला जाताना नेहमीच वाहतूक कोंडीचा सामना करावा लागतो. कधी कधी तर तासनतासन एकाच जागेवर थांबावे लागते. दरम्यान, आता या उड्डाणपुलामुळे हा प्रवास जलद होणार आहे. यामुळे ठाणे-डोंबिवली प्रवास अवघ्या २५ मिनिटांत होणार आहे. प्रवाशांची ३५ मिनिटे वाचणार आहेत.

सध्या ठाणे ते डोंबिवली प्रवासाला सध्या १ तास लागतो. आता या मोठागाव फाटकावरील उड्डाणपुलामुळे प्रवासाचे अंतर कमी होणार आहे. या उड्डाणपुलाच्या कामासाठी १६८ कोटीचा निधी प्रस्तावित केला आहे.

मोठागाव येथील रेल्वे फाटक हे अनेक वर्षांपासून अडथळा ठरत आहे. डोंबिवलीवरुन माणकोली उड्डाणपुलामार्गे ठाण्याच्या दिशेने जाताना प्रवाशांना वाहतूक कोंडीत थांबून राहावे लागते. त्यामुळे त्यांना विलंब होतो. आता थेट मोठागाव रेल्वे फाटकावरुनच चार पदरी उड्डाणपूल बांधला जाणार आहे.

खर्च किती येणार?

MMRDA ने दिलेल्या आराखड्यानुसार, १६८ कोटी रुपयांचा खर्च अपेक्षित आहे. यामधील ३० कोटी जमीन संपादनासाठी तर उर्वरित १३८ कोची बांधकामासाठी वापरले जाणार आहे. यामुळे ६०० रहिवाशांना पुनर्वसित करावे लागणार आहे.

चाद पदरी उड्डाणपूल बांधणार (4 Lane Overbrigde Approved)

सुरुवातीला या पूलाचा आराखडा हा दोन लेनचा होता. त्यानंतर नागरिकांच्या मागणीनंतर ४ पदरी उड्डाणपूल तयार करण्याचा निर्णय घेतला. यामुळे भविष्यात वाहतूक कोंडी दूर होणार आहे. याचसोबत प्रवाशांचा वेळदेखील वाचणार आहे. हा प्रवास जवळपास ३५ मिनिटांनी कमी होण्याची अपेक्षा आहे