विकास काटे

ठाणे : ठाण्याच्या Thane दिवा Diwa येथील देसाई गावात वेताळ पाड्यात मोठे अग्निकांड झाले आहे. या भीषण आगीमुळे घर कोसळून घराची मालकीण सपना विनोद पाटील (वय 40) महिलेचा दुर्देवी मृत्यू झाला आहे. माहितीनुसार, ही घटना आज सकाळी 11:30 च्या सुमारास घडली आहे. विनोद पाटील यांच्या मालकीचे हे घर पडीक झाले होते.

या घराला आग लागली आणि घर कोसळले आहे. त्यात दोघे जण अडकल्याची शक्यता होती. आगीच्या घटनेची माहिती मिळतातच अग्निशमन दलाचे पथक कर्मचारी आणि आपत्ती व्यवस्थापन विभागाचे अधिकारी आणि कर्मचारी घटनास्थळी दाखल झाले. त्यांच्याकडून तातडीनं आग विझवण्याचे काम केले. तब्बल एक तास आग विझवण्याचे काम सुरु होते. घराच्या ढिगाऱ्यात दबून सपना विनोद पाटील यांचा मृत्यू झाला आहे. अशी माहिती ठाणे महापालिका व्यवस्थापन विभागाने दिली.

व्हिडीओ-