पुणे : तनिषा भिसे प्रकरणाची आणखी एक अपडेट हाती आली आहे. तनिषा भिसे प्रकरणात मंगेशकर रुग्णालयाचा आणखी एक हलगर्जीपणा समोर आला आहे. तनिषा भिसे यांना दीनानाथ मंगेशकर रुग्णालयात स्ट्रेचर दिलं नसल्याचं समोर आलं आहे. भिसेंना स्ट्रेचर देणे आवश्यक असल्याचं आरोग्य विभागाने म्हटलंय.

मिळालेल्या माहितीनुसार, तनिषा भिसे प्रकरणात मंगेशकर रुग्णालयाचा आणखी एक हलगर्जीपणा समोर आला आहे. तनिषा भिसे यांना दिनानाथ मंगेशकर रुग्णालयात स्ट्रेचर देखील दिलं गेलं नव्हतं. तनिषा भिसे यांची प्रकृती पाहता त्यांना स्ट्रेचर देणे आवश्यक होते, असं आरोग्य विभागने म्हटलं आहे

ससून रुग्णालयातही स्ट्रेचरसाठी पाहावी लागली वाट

दीनानाथ मंगेशकर रुग्णालयाबरोबर ससून रुग्णालयातही तनिषा भिसे यांना स्ट्रेचर मिळालं नव्हतं. गरोदर असलेल्या भिसे या मंगेशकर रुग्णालयात काही तास उपचारांसाठी वाट पाहत होत्या. त्यावेळी त्यांना स्ट्रेचर मिळणे आवश्यक होते. मात्र, प्रकृती चांगली नसतानाही त्यावेळी त्यांना स्ट्रेचर देण्यात आले नाही, अशी माहीती आरोग्य विभागाने दिली आहे.