अक्षय बडवे, साम टीव्ही प्रतिनिधी

पुणे : सुप्रिया सुळे यांनी पुण्यातील वडगाव शेरी विधानसभा मतदारसंघातील प्रचारसभेत सुप्रिया सुळे यांनी मोठा गौप्यस्फोट केला आहे. पुण्यातील पोर्शे कार अपघात प्रकरणात बदनामी केल्यामुळे एका व्यक्तीने शरद पवारांना नोटीस पाठवल्याची माहिती सुप्रिया सुळे यांनी सांगितले. सुप्रिया सुळे यांच्या गौप्यस्फोटानंतर राजकीय वर्तुळात खळबळ उडाली आहे.

पुण्यातील वडगाव शेरी मतदारसंघातील शरद पवारांच्या राष्ट्रवादीचे उमेदवार बापू पठारे यांच्या प्रचारार्थ सुप्रिया सुळे यांची जाहीर सभा सुरु आहे. या सभेला सुप्रिया सुळे यांच्यासोबत शिवसेना उपनेत्या सुषमा अंधारे सुद्धा उपस्थितीत आहेत. या सभेत सुप्रिया सुळे यांनी नाव न घेता सुनील टिंगरे यांच्यावर टीका केली.

सुप्रिया सुळे यांच्या भाषणातील मुद्दे

आम्ही मागच्या वर्षी वेगळ्या व्यक्तीसाठी तिकीट मागितलं. ज्यांच्या एबी फॉर्मवर शरद पवारांची सही आहे. तुम्हाला त्या व्यक्तीने काय केलं, माहिती आहे.

पोलीस ठाण्यात कुठल्या मोठा नेत्याचा फोन आला? हा आरोप आम्ही सगळ्यांनी केला. त्या व्यक्तीने शरद पवार साहेबांना नोटीस पाठवली आहे.

पोर्शे कार अपघात प्रकरणी माझी बदनामी केली तर तुम्हाला कोर्टात खेचील, अशा नोटीस शरद पवारांना पाठवली.

शरद पवार ईडी नोटीसला घाबरत नाही, तुमच्या नोटीसला काय घाबरणार?

बापू, तुम्ही मला शब्द द्या, कुठलाही अपघात झाला, तर तुम्ही पोलीस ठाण्यात नाही हॉस्पिटलमध्ये आधी जाल.