कल्याण : कल्याण शहरातील आकाश जयस्वाल नावाचा एक कारपेंटर काम संपल्यानंतर कल्याणमधील निक्कीनगर परिसरातील चौकात उभा होता. रात्रीचे साधारणतः साडेआठ वाजले होते, त्याला कल्याण स्टेशनला काही कामानिमित्त जायचे होते. दरम्यान तिथे एक रिक्षा आली, रिक्षा चालकाने आकाशला रेल्वे स्टेशनला जायचे आहे का? असे विचारले. त्यावेळी आकाशने रिक्षा चालकास होकार दिला.

हे देखील पहा -

हा युवक त्या रिक्षात बसला मात्र, या रिक्षात आधीपासूनच एक प्रवासी देखील बसला होता. रिक्षा थोड्या अंतरावर गेली तेव्हा रिक्षा चालकाने रिक्षा रस्त्याच्या एका बाजूला निजर्नस्थळी थांबवली व रिक्षातील त्या दोघांनी आकाश जवळील महागडा मोबाईल आणि रोकड हिसकावली व त्याला रिक्षाबाहेर ढकलून दिले व चालक आणि रिक्षातील दुसरा प्रवासी पसार झाले. मात्र कल्याण डोंबिवली महापालिकेने स्मार्ट सिटी प्रकल्पांतर्गत लावलेल्या सीटीटीव्ही कॅमेऱ्यामध्ये हि रिक्षा कैद झाली होती.

या रिक्षाचा पडदा हा निळ्या रंगाचा आहे. कल्याण डोंबिवलीत अश्या पद्धतीची रिक्षा कधी आढळून आली नसल्याने, कल्याणच्या खडकपाडा पोलिसांच्या पथकाने या रिक्षाचा शोध सुरु करून केवळ १६ तासांच्या आत आकाश जयस्वाल या तरुणास लुटणाऱ्या रिक्षाचा तपस लावला. या रिक्षाचालकाचे नाव अक्षय कांबळे असून रिक्षात आधीपासूनच उपस्थित असलेल्या प्रवाश्याचे नाव रशीद शेख असून या दोघांना पोलिसांनी बेड्या ठोकल्या आहेत. दोघेही आरोपी कल्याण पूर्व भागातील श्रीकृष्ण नगर परिसरात राहणारे आहेत.

Edited By : Krushnarav Sathe