पुणे: मावळ मध्ये मुसळधार पावसामुळे कार्ला लेणीच्या डोंगरावरून काही दगड लेणी समोरील मोकळ्या जागेत पडले आहेत. सुदैवाने यावेळी या परिसरात कोणी पर्यटक नव्हते, अन्यथा मोठी दुर्घटना घडली असती. (stone slide on Ekvira fort; Fortunately no one was injured)

हे देखील पहा -

दुपारच्या सुमारास कार्ला आणि लोणावळा परिसरात जोरदार पावसाने हजेरी लावली. या पावसामुळे डोंगर भागातून पाण्याचे मोठे लोट वाहू लागल्याने कार्ला एकविरा देवीच्या डोंगरावर सैल झालेले काही दगड पाण्यासोबत खाली आले. अतिशय वेगाने हे दगड खाली येऊन परिसरात पसरले आहेत. हे दगड पडताना जोराचे आवाज ही परिसरातून येत होते, कार्ला लेणी नागरिकांना पाहण्यासाठी खुली करण्यात आली आहे. पर्यटकांची रोज येथे गर्दी होतीये. आज सुदैवाने या परिसरात कोणी नव्हते अन्यथा मोठी दुर्घटना घडली असती. दोन महिन्यांपुर्वी देखील या डोंगरावरून तुटलेल्या भिंतीचे दगड मोठ्या प्रमाणात मोकळ्या जागेत पडले होते.

यावर्षी दगड पडण्याची ही दुसरी मोठी घटना आहे. परंतु वारंवार या घटना घडू नये यासाठी कार्ला गड पायथा येथील अशोक कुटे यांनी पुरातत्व खात्याशी पत्रव्यवहार करून देखील परिस्थिती आहे तशीच आहे. एका आठवड्यात संबधीत खात्याने लेणी, गडची डागडुजी नाही केली, तर आंदोलन करू असा इशारा दिला आहे.

Edited By - Akshay Baisane