ठाणे : आम्ही काेणत्या पाेकळ धमक्यांना घाबरत नाही. या धमक्या काेणाला तरी दुस-यांना द्या असे प्रत्युत्तर नगरविकास मंत्रा एकनाथ शिंदे (eknath shinde) यांचे चिंरजीव खासदार श्रीकांत शिंदे यांनी शिवसेना नेते संजय राऊत (sanjay raut) यांच्या वक्तव्यांबद्दल केले. खासदार शिंदे म्हणाले आमदारांचे मृतदेह येतील असे म्हणणे ही महाराष्ट्राची संस्कृती नाही. देशाची संस्कृती नाही. ते वैफल्यग्रस्त झाल्याने अशी बडबड करीत आहेत. आम्ही काेणीही शिवसेना साेडलेली नाही. शिवसेना (shivsena) ही एकच आहे असेही खासदार शिंदे यांनी नमूद केले. (shrikant shinde latest marathi news)

नगरविकास मंत्री एकनाथ शिंदे यांना पाठींबा दर्शविण्यासाठी ठाण्यातील टेंभी नाका येथील दिवंगत नेते आनंद दिघे (anand dighe) यांच्या आनंद मठ तसेच कार्यालयाच्या समोर माेठ्या संख्येने आज सकाळ पासून शिवसैनिक (shivsainik) जमले हाेते. त्यामुळे या आनंद मठ येथे पोलीसांचा माेठा बंदोबस्तात वाढविण्यात आला. तसेच परिसरातील रस्ते देखील बंद करण्यात आले.

यावेळी खासदार श्रीकांत शिंदे यांनी दिवंगत सेना नेते आनंद दिघे यांच्या शक्तिस्थळ या समाधी स्थळाचे दर्शन घेतले. त्यानंतर त्यांनी माध्यमांशी संवाद साधत आमचे हे शक्ति प्रदर्शन नसल्याचे स्पष्ट केले. ते म्हणाले शिवसेनाप्रमुख बाळासाहेब ठाकरे यांच्या विचारावर आधारीत तसेच दिवंगत आनंद दिघे यांच्या शिकवण यानूसार ठाण्यातील शिवसैनिक कार्यरत आहे. शिवसेना एकच आहे. आमच्यात (Eknath Shinde Latest News) गट तट नाहियेत. कोणीही सेना सोडलेली नाही. संजय राऊत यांनी बोलताना विचार केला पाहिजे असेही शिंदे म्हणाले. त्यांना आता राज्याची जनताच उत्तर देईल असेही खासदार शिंदे यांनी नमूद केले.

Edited By : Siddharth Latkar