मुंबई - मोबाईल चुकीच्या पद्धतीने दुरुस्ती केला तो पुन्हा व्यवस्थित दुरुस्ती करून घेण्यासाठी गेलेल्या वयोवृद्ध ग्राहकावर मोबाईल (Mobile) दुकान मालकाने जीवघेणा हल्ला केल्याची घटना विठ्ठलवाडी पोलीस (Police) ठाण्याच्या हद्दीत घडली आहे. थॉमस बाबू जॉर्ज असे गंभीर जखमी झालेल्या वयोवृद्ध व्यक्तीचे नाव आहे. थॉमस यांनी उल्हासनगर (Ulhasnagar)कॅम्प नंबर ४ येथील जितेश सिधवा यांच्या मोबाईल रिपेरिंग सेंटरमध्ये विवो कंपनीचा मोबाईल दुरुस्ती करण्यासाठी दिला होता.

हे देखील पहा -

परंतु तो चुकीच्या पद्धतीने दुरुस्त झाला तो पुन्हा दुरुस्ती करून द्यावा यासाठी थॉमस हे जितेशच्या दुकानात गेले त्यावरून दोघांमध्ये वाद निर्माण झाला होता.त्यानंतर जितेशने थेट त्याच्याकडील दांडक्याने थॉमस यांच्यावर जीवघेणा हल्ला केला. थॉमस यांच्या डोक्यावर गंभीर जखमा झाल्याने त्यांना उल्हासनगरच्या मध्यवर्ती रुग्णालयात उपचारासाठी दाखल करण्यात आले आहे. आता याप्रकरणी विठ्ठलवाडी पोलीस ठाण्यात आरोपी जितेश सिधवा याच्या विरोधात गुन्हा दाखल करण्यात आला असून अधिक तपास पोलीस हवालदार सावंत हे करीत आहेत.

Edited By - Shivani Tichkule