पुण्यातील लोहगाव परिसरातून संतापजनक बातमी समोर येत आहे. घरातील चिमुकलीच्या मैत्रिणीसोबत वृद्ध व्यक्तीनं अश्लील कृत्य केलं आहे. हा संपूर्ण प्रकार घरातीलच लहान मुलीनं उघडकीस आणला. यानंतर पीडितेच्या कुटुंबियांनी पोलिसांकडे धाव घेतली. तसेच वृद्धा व्यक्तीच्या विरोधात तक्रार दाखल केली. या प्रकरणी, पोलिसांनी आरोपीविरोधात तक्रार दाखल केली असून, पुढील तपास पोलिसांकडून सुरू आहे.

मिळालेल्या माहितीनुसार, हा सर्व प्रकार लोहगाव परिसरातून उघडकीस आला आहे. पीडित मुलगी आरोपीच्या घरी ये-जा करीत होती. आरोपीच्या कुटुंबातील मुलीसोबत खेळायला जात होती. मात्र, वृद्ध आरोपी मोबाईलवर अश्लील व्हिडिओ पाहून मुलीसोबत अश्लील वर्तन करीत होता. तसेच नको तिथे स्पर्श करीत होता.

वृद्ध व्यक्ती घरी आलेल्या मुलीसोबत योग्य वर्तन करीत नसल्याचं एका मुलीच्या निदर्शनास आले. तिनं पीडित मुलीच्या घरी जाऊन हा सर्व धक्कादायक प्रकार सांगितला. 'माझ्या वडिलांच्या घरी तुमची मुलगी खेळायला पाठवू नका', असं म्हणत तिनं सगळी माहिती दिली.

यानंतर पीडितेच्या आईनं चिमुकलीला यासंदर्भात विचारपूस केली. सर्वात आधी चिमुकली प्रचंड घाबरली. नंतर चिमुकलीला विश्वासात घेतल्यानंतर घडलेला सर्व प्रकार तिनं आईला सांगितला. यानंतर पीडितेच्या कुटुंबियांनी त्वरीत विमानतळ पोलीस ठाण्यात धाव घेतली. तसेच आरोपीविरोधात तक्रार दाखल केली.

या प्रकरणी पोलिसांनी पोक्सो कायद्याअंतर्गत आरोपीविरोधात गुन्हा दाखल केला. सध्या पोलिसांकडून अधिक तपास सुरू आहे.