मुंबई :  शिवसेना  पक्षाचं नाव आणि पक्षचिन्ह धनुष्यबाण एकनाथ शिंदे यांच्या गटाला देण्याचा निर्णय निवडणूक आयोगाने दिला आहे. यामुळे ठाकरे गटाला मोठा धक्का बसला आहे. मात्र याही परिस्थितीतून सावरण्याचं ठाकरे गटासमोर मोठं आव्हान असणार आहे.

मात्र पक्ष आणि चिन्ह दोन्ही हातून गेल्यानंतर आता उद्धव ठाकरे आणि गटाची पुढची रणनिती काय असणार याकडे सगळ्यांचं लक्ष लागलं आहे.

ठाकरे गटाच्या नेत्यांना असा निकाल येऊ शकतो असा अंदाज होता, असं दिसून येत आहे. निवडणूक आयोगाच्या निर्णयाविरोधात ठाकरे गट सुप्रीम कोर्टात जाणार असल्याचं ठाकरे गटाचे खासदार अनिल देसाई यांनी म्हटलं आहेत.  (Political News)

केंद्रीय निवडणूक आयोगाने दिलेल्या निकालानंतर ठाकरे गट जनतेत जाऊ शकतो. जनतेकडून ठाकरे गट पक्षाचं चिन्ह आणि नाव मागवू शकतो. जेणेकरुन लोकांच्या मनातलं नाव आणि चिन्ह पक्षाला मिळू शकेल.

पुन्हा जनेतसमोर जाऊन नव्याने पक्षाची उभारणी ठाकरे गटाकडून केली जाऊ शकते. ज्यामुळे सर्वसामान्य शिवसैनिकांची सहाणुभूती मिळवून पक्षविस्तार वेगाने केला जाऊ शकतो.

याशिवाय नव्याने पक्ष उभारणी करण्यासाठी राज्यभरात नव्या चेहऱ्यांना संधी दिली जाऊ शकते. यामुळे ठाकरे गटाकडून पक्षसंघटाना बळकट केली जाऊ शकते.