'ऑपरेशन टायगर'चा पहिला फोटो समोर आला आहे. फुटीर खासदारांचा पहिला फोटो 'साम टीव्ही'च्या हाती लागला आहे. या फोटोत हिंगोलीचे खासदार नागेश पाटील आष्टीकर, यवतमाळचे खासदार संजय देशमुख आणि ईशान्य मुंबईचे खासदार संजय दिना पाटील दिसून येत आहेत. एका पंचतारांकित हॉटेलमध्ये शिवसेनेचे राष्ट्रीय समन्वयक अभिषेक वर्मा यांच्यासोबत हे फुटीर खासदार दिसून येत आहेत. खासदार श्रीकांत शिंदे आणि अभिषेक वर्मा यांच्या रणनीतीतून ऑपरेशन टायगर यशस्वी झाल्याची चर्चा आहे. मागच्या काही महिन्यांपासून 'ऑपरेशन टायगर'ची रणीनिती आखली जात होती, अशी माहिती विश्वसनीय सूत्रांनी दिली आहे. दिल्लीमधल्या लीला पॅलेस हॉटेलमध्ये ही बैठक झाली होती. या बैठकीतील बंडखोर खासदारांचा पहिला फोटो समोर आल्याने राजकीय वर्तुळात चर्चांना उधाण आलं आहे.