मुंबई: भाजपतर्फे भाजपची सत्ता असलेल्या राज्यातील मुख्यमंत्री परिषद दिल्लीत आयोजिक केली होती. या परिषदेत महाराष्ट्राकडून उपमुख्यमंत्री देवेंद्र फडणवीस यांनी उपस्थिती लावली आहे. यावरुन आता राज्यात आरोप-प्रत्यारोप सुरू आहेत. शिवसेनेच्या (ShivSena) मनिषा कायंदे यांनीही यावरुन टोला लगावला. ' दिल्लीत मुख्यमंत्री परिषदेला उपमुख्यमंत्री देवेंद्र फडणवीस यांनी उपस्थिती लावली आहे, म्हणजे एकनाथ शिंदे फक्त नावालाच मुख्यमंत्री आहेत, असं ट्विट मनिषा कायंदे यांनी केले आहे.

या परिषदेत भाजपचे राष्ट्रीय अध्यक्ष जे.पी.नड्डांसह पंतप्रधान नरेंद्र मोदीही उपस्थित आहे. या परिषदेत उत्तर प्रदेशचे मुख्यमंत्री योगी आदित्यनाथ, उत्तराखंडचे मुख्यमंत्री पुष्कर सिंह धामी, हिमंता बिस्वा सरमा, गुजरातचे मुख्यमंत्री भूपेंद्र पटेल, हरियाणाचे मुख्यमंत्री मनोहर लाल खट्टर यांच्यासह महाराष्ट्राचे उपमुख्यमंत्री देवेंद्र फडणवीसही (Devendra Fadnavis) उपस्थित होते. यावरुन आता आरोप-प्रत्यारोप सुरू आहेत.

शिवसेना नेत्या मनिषा कायंदे म्हणाल्या, भाजपने (BJP) मुख्यमंत्री बैठक बोलावली आणि त्यात एकनाथ शिंदे नाही तर उपमुख्यमंत्री देवेंद्र फडणवीस दिसत आहेत. मग राज्याचे मुख्यमंत्री कोण आहे हे कळत आहे. असा सवालही कायंदे यांनी केला आहे. मनसे नेते संदीप देशपांडे यांच्या ट्विटला उत्तर दिले. कायंदे म्हणाल्या, राज ठाकरे (Raj Thackeray) यांनी स्वतःच्या मुलालाच का राजकारणात पुढे आणले, संदीप देशपांडे यांना का पुढे आणले नाही. बाळासाहेब ठाकरे यांचे विचार खरे उद्धव ठाकरेच पुढे नेत आहेत, असंही कायंदे म्हणाल्या.

सध्या राज्यभरात आदित्य ठाकरे यांचा दौरा सुरू आहे. या दौऱ्याला चांगला प्रतिसाद मिळत आहे. या प्रतिसादाला आता भाजप घाबरली आहे. त्यामुळे आता भाजपने आदित्य ठाकरे मंत्री असलेल्या पर्यटन विभागाची आता केंद्र सरकारने चौकशी सुरू केली आहे, असा आरोपही कायंदे यांनी भाजपवर (BJP) केला. अब्दुल सत्तार यांना निवडणूक लढवायची होती, मग ते ज्या काँग्रेसमध्ये होते. तेथून का लढले नाहीत. सेनेकडे एबी फॉर्म मागायला का आले? असा सवालही कायंदे यांनी केला.