मुंबई : शिवसेनेचे प्रवक्ते आणि राज्यसभेचे खासदार संजय राऊत (Sanjay Raut) यांची काल ईडीने ९ तास चौकशी केली. पत्राचाळ जमीन घोटाळ्याप्रकरणी ईडीने राऊत यांना चौकशीसाठी समन्स बजावले होते. यावर आज संजय राऊत यांनी प्रतिक्रीया दिली. 'मी ईडीला घाबरुन गुवाहाटीला गेलो नाही. मा घाबरणाऱ्यातील नाही, असा टोला भाजपला संजय राऊत यांनी लगावला.

भाजपने एकनाथ शिंदेंना मुंबईवर भाजपचा झेंडा लावण्यासाठी मुख्यमंत्री केले आहे, पण मुंबईवर शिवसेनेचा झेंडा राहणार आहे. भाजपचा हा डाव यशस्वी होणार आहे, असंही संजय राऊत म्हणाले.

राज्यसभेवर माझा पराभव झाला असता तरीही मी उद्धव ठाकरे यांच्या सोबतच राहिलो असतो, मी फुटणाऱ्यातील बुडबुडा नाही. जिथे ठाकरे आहेत तिथे शिवसेना आहे. त्यामुळे शिवसेना उद्धव ठाकरे यांचीच आहे, असंही राऊत म्हणाले. देवेंद्र फडणवीस यांच्या उपमुख्यमंत्री पदावर बोलताना म्हणाले, मला उप म्हणायला जड जात आहे, पण भाजपमध्ये शिस्त आणि आदेश पाळला जातो याचे कौतुक करायला पाहिजे, असंही राऊत (Sanjay Raut) म्हणाले.

शिवसेनेचे खासदार फुटणार असल्याच्या चर्चांवर राऊत म्हणाले, अस काही होणार नाही, कोणताही खासदार फुटणार नाही. ही बाळासाहेब ठाकरेंची शिवसेना आहे. मुंबईवर शिवसेनेचाच झेंडा राहणार आहे, असंही राऊत म्हणाले.

नेत्यांनी शिवसेना फोडली तरही कार्यकर्ते शिवसेनेत आहेत, तिथे ठाकरे आहेत तिथे शिवसेना आहे. त्यामुळे शिवसेना ही ठाकरेंची आहेत. एकनाथ शिंदे यांच्यावरील कारवाईवर बोलताना राऊत म्हणाले, ही कारवाई पक्षाची आहे, उद्धव ठाकरे हे पक्ष प्रमुख आहेत. पक्षात काही चुकीच केले तर कारवाई केली जात, असंही राऊत(Sanjay Raut) म्हणाले.