राजगुरुनगर : कृष्णामुर्ती फाऊंडेशनच्या सह्याद्री स्कूलमधील (krishnamurti foundation sahyadri school) चार विद्यार्थ्यांच्या (students) चासकमान धरणामध्ये बुडून मृ्त्यू झाल्या प्रकरणी शाळा प्रशासनासह चार शिक्षकांवर (teachers) सदोष मनुष्यवधाचा गुन्हा दाखल झाला. दरम्यान संबंधित चार शिक्षकांना शाळा (school) प्रशासनाने निलंबित केले आहे. (sahyadri international school chaskaman latest marathi news)

पुणे जिल्ह्यातील खेड तालुक्यातील पश्चिम भागात असणा-या चासकमान धरणात सह्याद्री स्कुलमधील दहावीतील चार विद्यार्थ्यांचा 19 मे रोजी पाण्यात बुडून मृत्यू झाला. यामध्ये मृतांमध्ये परीक्षित कुलदिप अग्रवाल (वय १६), नव्या प्रज्ञेश भोसले (वय १६), रितीन डी. धनशेखर ( वय १६), तनिषा हर्षद देसाई (वय १६) यांचा समावेश आहे.

या घटनेनंतर संबंधित मुलांच्या नातेवाईकांनी शाळा प्रशासनास जबाबदार धरत कारवाईची अपेक्षा पाेलीसांकडे व्यक्त केली हाेती. त्यावेळी घटनेचा कसून तपास करुन कार्यवाही केली जाईल असे आश्वासन पोलीस निरीक्षक सतीश गुरव यांनी नातेवाईकांना दिले हाेते.

दरम्यान तपासाअंती पाेलीसांनी शाळा प्रशासनासह चार शिक्षकांवर चार विद्यार्थ्यांच्या मृत्यु प्रकरणी सदोष मनुष्यवधाचा गुन्हा दाखल केला. तसेच याप्रकरणी शाळा प्रशासनाने विनायक शर्मा, श्रीनिधी महिशी, ओमना संताेष आणि जाँल्सी थाँमस यांना निलंबित केले आहे. तसेच त्यांची अंतर्गत चौकशीही सुरु करण्यात आली आहे.

Edited By : Siddharth Latkar