स्त्री हट्ट आणि बाल हट्ट पुरवण्यासाठी ज्या ज्या नेत्यांनी केलं ते केलं. प्रांत अध्यक्ष यांना मी प्रवक्ता म्हणून नको असेल पण स्त्री हट्टासमोर इतर महिलांचे खच्चीकरण होणार असेल तर रूपाली ठोंबरे लाथ घालून उभी राहील, असं स्पष्ट भूमिका राष्ट्रवादी काँग्रेसच्या नेत्या रूपाली ठोंबरे यांनी व्यक्त केली. त्या पुण्यात बोलत होत्या. गेला काही दिवसांपासून रूपाली ठोंबरे राष्ट्रवादी काँग्रेसमध्ये नाराज असल्याचा चर्चा आहेत. त्यातच त्यांनी काल शिवसेनेचे खासदार श्रीकांत शिंदे यांची भेट घेतली. त्यानंतर आता रूपाली ठोंबरे यांनी आक्रमक भूमिका मांडली आहे. (Rupali Chakankar VS Rupali Thombre)

रूपाली ठोंबरे निर्भीडपणे आक्रमकपणे काम करणारी कार्यकर्ता आहे. आमचे नेते अजित दादा यांनी मला पक्षात ३.५ वर्ष खूप संधी दिली. पक्षांतर्गत कुरघोड्या खूप वेगळ्या आहेत. स्त्री हट्ट आणि बाल हट्ट पुरवण्यासाठी ज्या ज्या नेत्यांनी केलं ते केलं. प्रांत अध्यक्ष यांना मी प्रवक्ता म्हणून नको असेल, मला जर एवढा त्रास देऊ शकतात तर इतर महिलांना किती त्रास दिला असेल. जाणीवपूर्वक चाकणकर यांच्या गोष्टीमुळे काही त्रास दिला जात असेल तर थांबून काय करू? असा सवाल रूपाली ठोंबरें उपस्थित केला.

अजित दादा व्यस्त आहेत हे लोकप्रतिनिधी म्हणून आम्हाला जाण आहे. प्रांत अध्यक्ष यांना काही लोकं चुकीच्या गोष्टी सांगत आहेत. प्रांत अध्यक्ष यांना या सगळ्या गोष्टी माहिती आहेत. एक महिला एक पद द्या, ही माझी मागणी होती हे बोलणं चुकीचं असल्याचं चाकणकर यांना वाटतं. रूपाली ठोंबरे प्रामाणिकपणे वागते, हे बगवत नसेल तर त्यांच्या गैर समजुतीवरून प्रांत अध्यक्ष अशी वागणूक देणार असतील तर मी एवढी लाचार नाही, असा इशारा त्यांनी दिला.

पक्षात कुरघोड्या कोणी केल्या, हे सगळे मी समोर आणणार आहे. मी अजित दादा यांच्याकडे या सगळ्या गोष्टी नगर पंचायत निवडणुकीनंतर पुन्हा बोलेल. चाकणकर चुकल्या म्हणून मी त्यांची का बाजू मांडायची? प्रांत अध्यक्ष यांनी हे सांगावं. त्या नेत्या आहेत मी पण नेता आहे. पण जाणीवपूर्वक चाकणकर प्रांत अध्यक्ष यांना हाताशी धरून असं करणार असतील तर याला मी भीक घालणारी नाही, असा ठोंबरे म्हणाले.

प्रांतअध्यक्ष यांच्याकडून मला कुठलं ही पद नकोय. मला अनेक पक्षांकडून विचारणा झाली आहे. श्रीकांत शिंदे यांची भेट एका कामासंदर्भात होती. जर त्यांनी आम्हाला आमच्या कामाला धार दिली, तर का नाही विचार करायचा? राजकीय चर्चा झाली नाही पण निवडणुका संपू द्या पण एक एक पैलू मला राज्याला सांगायचं आहे. स्त्री हट्टा समोर इतर महिलांचे खच्चीकरण होणार असेल तर रूपाली ठोंबरे लाथ घालून.उभी राहील, असे ठोंबरे म्हणाल्या.