मुंबई: राज्य सरकारने सुपर मार्केटमध्ये वाईन विक्री करण्याचा निर्णय घेतला. त्यानंतर राज्यात राजकीय वादंग निर्माण झाला. या निर्णयावरुन विरोधकांनीही राज्य सरकारवर निशाणा साधला. तर, कीर्तनकार बंडातात्या कराडकरांची (Bandatatya Karadkar) या निर्णयावर टीका करताना जीभ घसरली. त्यांनी राज्यातील महिला नेत्यांबाबद वादग्रस्त वक्तव्य केलं. त्यानंतर राज्यात नवा वाद उद्भवला. याबाबत राज्य महिला आयोगाच्या अध्यक्षा रुपाली चाकणकर यांनी प्रतिक्रिया दिलीये (Rupali Chakankar Says Action Must Be Taken Against Bandatatya Karadkar).

ते विधान वादग्रस्त आणि संतापजनक - रुपाली चाकणकर

"ते विधान वादग्रस्त आणि संतापजनक आहे. याबाबत महिलांनी तक्रार केली, याची गंभीर दखल महिला अयोगाने घेतली असून त्यांच्यावर 48 तासात कडक कारवाई करावी असे आदेश देण्यात आले होते", असं म्हणत रुपाली चाकणकर (Rupali Chakankar) यांनी बंडातात्या कराडांच्या वक्तव्यावर संताप दर्शवला आहे.

"त्यांनी माफी मागितली. वारकरी संप्रदाय प्रबोधनाचे काम करते. त्यांनी माफी मागितली असली तरी ते निंदननीय आहे. अशा प्रकारची प्रथा पडू शकते. त्यामुळे कोणीही अशा प्रकारचे वक्तव्य करणाऱ्यांवर कारवाई केलीच पाहिजे. आपल्या लेकींबद्दल असे वक्तव्य कधीच करत नाही. पोलिसांनी महिला आयोगाला दोन दिवसात लेखी अहवाल दयावा", असं रुपाली चाकणकर म्हणाल्या.

बंडातात्या कराडकर यांना पोलिसांनी ताब्यात घेतलं

ह.भ.प बंडातात्या कराडकर (bandatatya karadkar) यांनी पोलिसांनी ताब्यात घेतलं. राज्यातील महिला नेत्या (leaders) मद्य प्राशन करतात असं वक्तव्य बंडातात्या कराडकरांनी केले होते. या आंदोलनात बंडातात्यांनी पोलिसांवर (police) देखील मास्कवरुन टीका केली होती. गुरुवारी रात्री उशिरा बंडातात्या कराडकरांवर गुन्हा दाखल झाला होता.

Edited By - Nupur Uppal