Auto Rickshaw Strike Pune : पुणे आणि पिंपरी चिंचवडमधील नागरिकांसाठी मोठं वृत्त समोर आलं आहे. रिक्षामधून प्रवास करणाऱ्यांसाठी महत्वाची बातमी समोर आली आहे. पुणे आणि पिंपरी-चिंचवड शहरातील बेकायदा बाईक टॅक्सी विरोधात 'बघतोय रिक्षावाला संघटने'ने बेमुदत बंद पुकारला आहे. यामुळे रिक्षाने प्रवास करणाऱ्या प्रवाशांचे हाल होण्याची शक्यता आहे. (Latest Marathi News)

बेकायदा बाईक टॅक्सी विरोधात 'बघतोय रिक्षावाला संघटने'ने आक्रमक पवित्रा घेतला आहे. 'बघतोय रिक्षावाला संघटने'ने बेकायदा बाईक टॅक्सी विरोधात पुणे आणि पिंपरी-चिंचवड परिसरात बेमुदत संप पुकारला आहे. त्यामुळे उद्यापासून पुणे आणि पिंपरी चिंचवड शहरातील ऑटो रिक्षा वाहतूक व्यवस्था बिघडण्याची शक्यता आहे. बघतोय रिक्षावाला (Auto Rickshaw) संघटनेने पुकारलेल्या बेमुदत बंदला इतर १२ ऑटो रिक्षा संघटनांनी पाठिंबा दर्शविला आहे.

ओला, उबेर आणि रॅपिडो कंपन्यांच्या बाईक टॅक्सीमुळे रिक्षावाल्याचा ९० % व्यवसाय बुडत असल्याचा दावा रिक्षा चालकांकडून करण्यात येत आहे. त्यामुळे ओला, उबेर आणि रॅपिडो कंपन्यांच्या बाईक टॅक्सीच्य विरोधात हा संप पुकारण्यात आला आहे. आम्ही ओला, उबेर आणि रॅपिडो कंपन्यांच्या बाईक टॅक्सी बंद झाल्याशिवाय संप व मागे घेणार नाही, असा इशारा बघतोय रिक्षावाला संघटनेने दिला आहे.