सुशांत सावंत

मुंबई: कोरोनाचे (Corona) निर्बंध (Restrictions) कमी झाले असले, तरीदेखील होळी आणि धुलिवंदनाकरिता राज्य सरकारने (State Government) नवी नियमावली घोषित केली आहे. हे नियम पाळावे लागणार आहेत अन्यथा कायदेशीर कारवाई केली जाणार आहे, असे आदेश गृह मंत्रालयाने दिले आहेत. याला आता भाजपा प्रवक्ता राम कदम यांनी विरोध केला आहे.

"महाराष्ट्र सरकारचा (Maharashtra Govt) एवढा टोकाचा हिन्दू सणांना विरोध का? आता पुन्हा त्यांनी होळी आणि रंगपंचमी साजरी करण्यावर निर्बंध घातलेत. आहो तुम्ही घाबरट असाल, हा शिवरायांचा महाराष्ट्र आहे. आम्हाला कळते स्वतःची कशी काळजी घ्यायची. तुमचे निर्बंध गेले खड्ड्यात. तुमच्याच भाषेत. काय उखाडायचे ते उखाडा. आम्ही आमचा हिन्दू सण जल्लोषात साजरा करणारच", असं म्हणत राम कदम (Ram Kadam) यांनी सरकारच्या नियमावलीला आव्हान दिलं आहे.

होळीसाठी सरकारची नियमावली काय

- रात्री 10 वाजेच्या आत होळी करावी

- 10 च्या आत होळी लावणे बंधनकारक

- डीजे लावण्यास बंदी, डीजे लावल्यास कायदेशीर बंदी

- होळी साजरी करताना मद्यपान आणि बीभत्स वर्तन केल्यास कारवाई

- महिलांची आणि मुलींची खबरदारी घ्यावी

- दहावी आणि बारावीच्या परीक्षा असल्याने लाऊड स्पीकर जोरात लावू नये, जोरात लावल्यास कारवाई

- कोणत्याही जाती, धर्माच्या भावना दुखावतील अशा घोषणा देऊ नये

- होळीच्या दिवशी जबरदस्तीने रंग, पाण्याचे फुगे फेकू नये

Edited By - Nupur Uppal