पुणे: मनसे अध्यक्ष राज ठाकरेंनी (Raj Thackeray) पुण्यातील मनसेच्या वतिने आयोजीत केलेल्या वक्तृत्व स्पर्धेच्या बक्षीस वितरण कार्यक्रमात त्यांच्या आयुष्यातील पहिल्या भाषणाचा किस्सा सांगतिला आहे. मला भाषण करायला भिती वाटत असल्याचही राज ठाकरेंनी सांगितले. राज ठाकरे बोलताना म्हणाले की मी एवढा चांगला बोलेन असं कधी वाटलं देखील नव्हतं.

किस्सा सांगताना राज म्हणाले शिवाजी पार्कवर एका कार्यक्रमा दरम्यान मी आणि बाळासाहेब ठाकरे एकाच व्यासपीठावर होते. बाळासाहेबांनी राज ठाकरेंना विचारलं तू बोलणार आहेस का?. तेव्हा राज ठाकरें बाळासाहेबांना म्हणाले तुम्ही काहीतरी बोलू नका नाहीतर मी व्यासपीठावरून निघून जाईल. तेव्हा बाळासाहेबांनी भाषणासाठी आग्रह धरला आणि म्हणाले ''तू बोलतोय का मी जाऊन जाहिर करु''.

तेव्हा राज ठाकरेंनी पहिल्यांदा शिवतिर्थावर एवढ्या मोठ्या जनसमुदायासमोर भाषण केले. आणि आता जर राज ठाकरेंची भाषण शैली पाहिली आणि ऐकली तर प्रत्येत जन त्यांच्या भाषणाच्या प्रेमात आहे. या कार्यक्रमाच्या निमित्ताने बोलताना त्यांनी राज्य सरकारला टोमणा मारला आहे. ''ते म्हणाले कोविड बाबत मूर्खपणा सुरु आहे. सरकारनी हवं ते करायचं आणि बाकीच्यांनी नाही करायचं''.

दरम्यान, राज ठाकरे पुण्यात शिवशाहीर करंडक वक्तृत्व स्पर्धेच्या महाअंतीम फेरीसाठी उपस्थित होते. शिवशाहीर बाबासाहेब पुरंदरेंच्या १०० व्या वाढदिवसाच्या निमीत्ताने पुण्यात मनसेच्या वतीने स्पर्धा आयोजीत केली होती.

Edited By: Pravin Dhamale