Pune Latest Crime News : पुण्यातील येरवड्यात गाड्यांच्या तोडफोडीचे सत्र सुरूच आहे. आता पुन्हा टोळक्यांकडून गाड्यांची तोडफोड करण्यात आल्याची घटना समोर आली आहे.

पूर्व वैमान्यातून गाड्यांची तोडफोड केल्याचे सांगण्यात येत आहे. ही संपूर्ण तोडफोडीची घटना सीसीटीव्ही कॅमेरात कैद झाली आहे. या तोडफोडीत दोन कारचे मोठे नुकसान झाले आहे. या टोळक्यांनी दोन्ही गाड्यांच्या काचा फोडल्या आहेत.

मिळालेल्या माहितीनुसार, तीन महिन्यापूर्वी या ठिकाणी सुभाष राठोड, अनिल उर्फ पोपट वाल्हेकर या दोघांची चव्हाण गँगनी हत्या केली होती. त्यातील तीन आरोपीची नुकतीच जामीनावर सुटका झाली होती. त्या रागातून खून झालेल्या राठोड गटातील तरुणांनी दहशत माजवण्यासाठी गाड्या फोडल्या, असं सांगण्यात येत आहे.  पोलीस (police)  ]या प्रकरणी अधिक तपास करत आहेत. (Pune)

Pune News: पुण्यात कोयता घेऊन तरुणांची दहशत

तत्पूर्वी पुण्यातील उत्तमनगर परिसरातही अशीच एक घटना घडली होती. येथे वाढदिवसाला टोळक्याकडून कोयते फिरवत तसेच दगडफेक केल्याची घटना समोर आली होती. येथे भर रस्त्यात टोळक्याकडून वाढदिवस साजरा करण्यात येत होता. यावेळी किरकोळ कारणावरुन त्यांच्यात वाद झाले. यावेळी टोळक्याने परिसरातील नागरिकांना शिवीगाळ करत गाड्यांची तोडफोड केली.

या प्रकरणी सचिन दिलीप राठोड(२४) याला अटक करण्यात आली होती. तसेच त्याचे साथीदार शुभम संदीप ठाकूर सोन्या खाडे, अक्षय राठोड यांच्यावर गुन्हा दाखल करण्यात आला होता. या प्रकरणी या गुंडांच्या विरोधात तक्रार दाखल करण्यात आला होता.