Pune News: पुण्यातून एक धक्कादायक वृत्त हाती आलं आहे. पुण्यात एका तरुणीने छेडखानीला कंटाळून छेड काढणाऱ्या तरुणाच्या डोळ्यात मिरची पूड फेकली आहे. शुक्रवारी सांयकाळी ही घटना घडली. या घटनेने परिसरात एकच खळबळ उडाली आहे. (Latest Marathi News)

मिळालेल्या माहितीनुसार, सावित्रीबाई फुले पुणे विद्यापीठात हा धक्कादायक प्रकार घडला आहे. पुणे विद्यापीठातील या तरुणीने छेड काढणाऱ्या तरुणाच्या डोळ्यात मिरचीची पूड फेकली आहे. सावित्रीबाई फुले पुणे विद्यापीठातील जयकर वाचनालयात हा प्रकार घडला आहे.

नेमकं काय घडलं?

सावित्रीबाई फुले पुणे विद्यापीठातील विद्यार्थिनीची एक तरुण सतत छेड काढायचा. दोघेही एकाच विद्यापीठात शिकत होते. त्या विद्यार्थ्याच्या छेडखानीला तरुणी वैतागली होती.

सावित्रीबाई फुले पुणे विद्यापीठातील जयकर वाचनालयात तरुणीला छेड काढणारा हा तरुण दिसला. त्यावेळी या तरुणीने हा सतत छेड काढत असल्याच्या कारणाने विद्यापीठात शिकणाऱ्या या तरुणाच्या डोळ्यात मिरचीची पूड फेकली. या प्रकरणी गुन्हा दाखल झाल्याची माहिती अद्याप समोर आलेली नाही. मात्र, या घटनेने विद्यापीठ आवारात खळबळ उडाली आहे.

तारण ठेवलेला लॅपटॉप मागितल्याने दांम्पत्याला बेदम मारहाण

तारण ठेवलेला लॅपटॉप परत मागितल्याच्या कारणातून दोघांनी एका दाम्पत्याला बेदम मारहाण केल्याचा धक्कादायक प्रकार पुण्यात घडला आहे. याप्रकरणी संजय कारभारी शिंदे (वय ३१ ) आणि शंकर हरीदास साबळे (वय २०, रा. दोघेही चंदननगर) या दोघांना चंदननगर पोलिसांनी अटक केली आहे.

पुणे शहरातील (Pune) गुन्हेगारी घटनांमध्ये दिवसेंदिवस वाढ होत आहे. खंडणी, मारामाऱ्या असे प्रकार शहरात वाढताना दिसत असून असाच आणखी एक धक्कादायक प्रकार उघडकीस आला आहे. ज्यामध्ये दोघांनी दांम्तप्याला बेदम मारहाण केल्याचे उघडकीस आले आहे.