पुणे: वाहतूक पोलिसांनी (Trafic Police) नाना पेठ परिसरात (Nana Peth) एका दुचाकीस्वाराला गाडीसकट टेम्पोत भरले, ही घटना गुरूवारी पावणे-पाचच्या सुमारास घडली. यावरून भारतात लोकशाही आहे की, तालीबानी कारभार, असा प्रश्न पुणेकरांना पडला आहे. चौका-चौकात ग्रुपने ठिय्ये मारून ये-जा करणार्‍या चाकरमान्या दुचाकी स्वारांना अडवून काही न काही कारणे सांगून अडविणे, त्यांच्याकडून वसुली केली जाते.

हे प्रकार शहरात सर्रासपणे घडत असताना, गुरूवारी सायंकाळी समर्थ वाहतूक पोलिस विभागाअंतर्गत असलेल्या नाना पेठ परिसरात वाहतूक पोलिसांनी गाडी सकट दुचाकीस्वाराला उचलून टेम्पोत भरले. यावेळी वाहतूक पोलिसाने दुचाकीस्वाराची गाडी नो-पार्कींगमध्ये असल्याचा दावा केला. परंतु, वाहनचालक जर चुकत असेल तर अशा चुकीच्या पध्दतीने कारवाई करण्याची चूक वाहतूक पोलिसाने करणे, तरी कुठपत योग्य आहे.

अशा कारवाई वेळी जर दुचाकीस्वार गाडीवरून पडला असता आणि त्याच्या मेंदूला मार लागला असता तर याला जबाबदार कोण? असा प्रश्न देखील यावेळी उपस्थित होतो. तसेच, अशा मुजोर पोलिसावर पोलिस आयुक्त अमिताभ गुप्ता आणि वाहतूक पोलिस उपायुक्त राहूल श्रीरामे काय कारवाई करणार? हे आता पहावे लागणार आहे.

Edited By: Pravin Dhamale