Pune News Saam Tv
मुंबई/पुणे

Pune Theft Case : फिरण्यासाठी घराबाहेर पडले, तो आला अन् हातसाफ करून गेला; मेहुण्याचे अडीच लाखांचे दागिने चोरले

Pune News : पुण्यातील कोंढवा येथे दाजीने मेव्हण्याच्या घरी चोरी करून २ लाख ४६ हजारांचे दागिने व रोख रक्कम लंपास केली. पोलिसांनी आरोपीला अटक करत ऐवज जप्त केला असून घराच्या चाव्यांचा गैरवापर केल्याचे उघड झाले.

Alisha Khedekar

'पुणे तिथे काय उणे' ही म्हण काही खोटी नाही. पुण्यात एका व्यक्तीने बायकोच्या भावाला लाखोंचा गंडा घातला आहे. पुण्यातील कोंढवा परिसरात चक्क दाजी ने मेव्हण्याच्या घराच्या चाव्यांचा गैरवापर करत दागिने लंपास केले. याप्रकरणी पोलिसांनी तपास करत फिर्यादीच्या बहिणीच्या नवऱ्याला अटक केली असून २ लाखांचा मुद्देमाल जप्त केला आहे.

पुण्यातील कोंढवा परिसरात राहणाऱ्या ३६ वर्षीय व्यक्तीने त्याच्या घरात चोरी झाल्याची तक्रार नोंदवली. तक्रारीनुसार ७ जुलै रोजी सकाळी ते कामाला गेले असताना त्यांचे कुटुंबातील सर्व जण त्यांच्या बहिणीच्या घरी गेले होते. सायंकाळी साडेसहा वाजता सर्व जण घरी परत आले. तेव्हा त्यांच्या लक्षात आलं की आपल्या घरी चोरी झाली आहे. घरातून २ लाख ४६ हजार रुपयांचा ऐवज चोरीला गेला होता.

घरातील एकूण परिस्थिती पाहिली असता घराची माहिती असलेल्या कोणीतरी हे कृत्य केल्याचा संशय पोलिसांना तपासादरम्यान आला. आरोपींचा शोध घेत असताना पोलिसांना एक व्यक्ती अश्रफनगर येथे संशयितरित्या थांबला असल्याची माहिती मिळाली. या माहितीवरून पोलिसांनी त्याला ताब्यात घेतले असता त्याचे नाव रोहेल शेख असून हा फिर्यादी यांच्या बहिणीचा पती निघाला.

आरोपीला घराची माहिती होती. त्यांच्या घरी येत जात असताना त्याने घराच्या कुलूपाच्या चाव्या घेतल्या होता. फिर्यादीचे कुटुंबीय त्यांच्या घरी आले असताना फिर्यादीच्या घरी जाऊन त्याने चोरी केल्याची कबुली दिली. तसेच त्याच्याकडे चोरी केलेले २ लाख ४६ हजार रुपयांचे सोन्या चांदीचे दागिने व रोख रक्कम सापडली. हा २ लाख ४६ हजार रुपयांचा ऐवज पोलिसांनी जप्त केला असून संबंधित गुन्हेगाराला पोलिसांनी ताब्यात घेतले आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Politics: सिगारेट, पैशांच्या बॅगा आणि मंत्री शिरसाट; संजय राऊतांचा व्हिडीओ पोस्ट करत मोठा गौप्यस्फोट

मराठी-हिंदी वादात ब्रिजभूषण सिंहांची उडी,ठाकरेंना थेट धमकी

गौरवास्पद! UNESCO च्या यादीत पुण्यातील तीन किल्ल्यांचा समावेश | VIDEO

Government Scheme : मुलांसाठी सरकारची नवी योजना? मुलांना महिन्याला 3 हजार?

Sleeping Vastu Tips: वास्तुशास्त्रानुसार झोपण्याची योग्य दिशा कोणती?

SCROLL FOR NEXT