नितीन पाटणकर, साम टीव्ही, पुणे प्रतिनिधी

पुण्यातून एक मोठी बातमी समोर आली आहे. पोर्श कार अपघात प्रकरणानंतर सलग दुसऱ्यांदा ससून रुग्णालयाचे डीन बदलण्यात आले आहे. अलीकडेच नियुक्ती करण्यात आलेले डॉ. चंद्रकांत म्हस्के यांच्याकडून शासनाने पदभार काढून घेतला आहे. आता डॉ. एकनाथ पवार हे ससून रुग्णालयाचे नवीन डीन असणार आहेत.

मिळालेल्या माहितीनुसार, ससून रुग्णालय ड्रग माफिया ललित पाटील आणि नंतर पुण्यातील हिट अँड रन प्रकरणामुळे चर्चेत आहेत. ससूनमध्ये दोन महत्त्वाची पदे आहेत, यात डीन आणि सुपरिटेंडेंट यांचा समावेश आहे. यांच्याच सातत्याने बदल्या करण्यात येत आहे.

यातच अगदी काही दिवसांपूर्वी डॉ. चंद्रकांत म्हस्के यांची ससून रुग्णालयात डीन म्हणून नियुक्ती केली होती. त्यांच्याकडे तात्पुरते पदभार देण्यात आलं होतं. ते सध्या बारामतीच्या वैद्यकीय महाविद्यालयाचे डीन असून काही दिवसांत त्यांची बदली करण्यात आली आहे. त्यांच्या जागी डॉ. एकनाथ पवार यांची नियुक्ती करण्यात आली आहे.

यातच डॉ. एकनाथ पवार यांची ससून रुगालयात करण्यात आलेली नियुक्ती ही देखील तात्पुरत्या स्वरूपाची आहे. डॉ. पवार हे मुंबईमधील ग्रँड शासकीय महाविद्यालयात प्राध्यापक आहेत. त्यांना येतील पदभार सांभाळून ससूनच्या डीनपदाचा पदभार सांभाळावा लागणार आहे.

यातच इतकं महत्त्वाचं पद असताना शासन पूर्णवेळ डीन का नियुक्त करत नाही, सुपरिटेंडेंट का नियुक्त करा नाही, असा प्रश्न स्थानिक नागरिकांकडून विचारण्यात येत आहे.