पुणे रेव्ह पार्टीत क्रिकेट बुकीला अटक
खडसेंचे जावई प्रांजल खेवलकर यांच्या नावावर लॉज बुकिंग
घटनास्थळावरून अमली पदार्थ, हुक्का, दारू जप्त
या प्रकरणात राजकीय कनेक्शननंतर आता क्रिकेट बेटिंग कनेक्शन उघड
पुण्यातील खराडीमध्ये झालेल्या रेव्ह पार्टीवर पोलिसांनी छापा टाकला. या रेव्ह पार्टी प्रकरणात पुणे पोलिसांनी ७ जणांना अटक केली आहे. यामध्ये दोन महिला आणि ५ पुरूषांचा समावेश आहे. या प्रकरणात एकनाथ खडसे यांचे जावई आणि रोहिणी खडसे यांच्या पतीला पोलिसांनी अटक केली. आता या प्रकरणात राजकीय कनेक्शननंतर आणखी एक कनेक्शन समोर आले आहे. या प्रकरणात अटक करणयात आलेला एक जण क्रिकेट बुकी असल्याचे सांगितले जात आहे.
मिळालेल्या माहितीनुसार, पुण्यातील रेव्ह पार्टीमध्ये अटक करण्यात आलेला एक जण क्रिकेट बुकी आहे. या क्रिकेट बुकीवर आधीच पुण्यातील अनेक पोलिस ठाण्यात गुन्हे आहेत. पुण्यातील रेव्ह पार्टीला ३ वाजता सुरुवात झाली होती. पार्टीमध्ये गांजा आणि कोकेन या अमली पदार्थांचे सेवन झाल्याची शक्यता आहे. घटनास्थळावरून पोलिसांनी दारू, ड्रग्ज, हुक्का जप्त केले. या प्रकरणात खडसेंचे जावई प्रांजल खेवलकर यांच्यासह त्यांचे मित्र आणि मैत्रिणीला पोलिसांनी अटक केली.
या प्रकरणात आणखी एक धक्कादायक माहिती समोर आली आहे. या रेव्ह पार्टीचे आयोजन प्रांजल खेवलकर यांनीच केले होते. प्रांजल खेवलकर यांच्या नावाने लॉजमधील या रूमचे बुकिंग करण्यात आले होते. हॉटेलच्या बुकिंगच्या पावत्या समोर आल्या आहेत. २५ ते २८ जुलै पर्यंत हे बुकिंग करण्यात आले होते. रूम नंबर १०१ आणि रूम नंबर १०२ प्रांजल खेवलकर यांच्या नावाने बुक होत्या. यासाठी त्यांनी १० हजार ३५७ रुपये लॉजचे बिल भरले होते. एका रूमचे बुकिंग २५ जुलै ते २८ जुलैपर्यंत आणि दुसऱ्या रूमचे बुकिंग २६ जुलै ते २७ जुलैपर्यंत करण्यात आले होते.
दरम्यान, खराडी या उच्चभ्रू परिसरातील एका लॉजवर हाऊस पार्टीच्या नावाखाली या रेव्ह पार्टीचे आयोजन करण्यात आले होते. पोलिसांना याची माहिती मिळताच त्यांनी हे लॉज गाठत कारवाई केली. पोलिसांनी छापेमारी करत खडसेंच्या जावयासह ७ जणांना ताब्यात घेतलं. छापेमारीच्या वेळी फ्लॅटमध्ये २ महिला आणि ५ पुरूष रेव्ह पार्टीमध्ये दंग होते. सर्वजण नशेमध्ये होते. हे सर्वजण ड्रग्ज, हुक्का आणि दारूचे सेवन करत होते. पोलिसांनी घटनास्थळावरून मोठ्या प्रमाणात अमली पदार्थ, हुक्का, दारू जप्त केली आहे.
पुणे रेव्ह पार्टीत नवीन कोणते कनेक्शन उघड?
अटक करण्यात आलेला एक जण क्रिकेट बुकी असल्याचे समोर आले.
पार्टीचे आयोजन कोणी केले होते?
प्रांजल खेवलकर यांनी लॉज बुकिंग करून ही पार्टी आयोजित केली होती.
पोलिसांनी काय जप्त केलं?
दारू, हुक्का, गांजा, कोकेन यासह अमली पदार्थ जप्त केले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.