पेपरफुटीवरून देशभरात वातावरण तापलेलं असताना राज्यात नवा घोटाळा समोर आलाय. पुण्यात बनावट क्रीडा प्रमाणपत्रांच्या आधारे नोकरी मिळवल्याचा धक्कादायक प्रकार उघडकीस आलाय. तब्बल 19 पोलीस कर्मचाऱ्यांनी कुराश आणि ड्रॅगनबोट या खेळांच्या बनावट प्रमाणपत्रांद्वारे सरकारी आरक्षणाचा गैरफायदा घेतलाय. दरम्यान, पुण्यातून उघडकीस आलेला पोलीस भरती घोटाळा नेमका काय आहे? ते पाहूयात...

पुण्यात पोलीस भरतीतील घोटाळा उघड

3 ते 5 लाख रुपयांना प्रमाणपत्र विकल्याचा संशय

तब्बल 500 ते 600 जणांना प्रमाणपत्र मिळाल्याची माहिती

बोगस क्रीडा प्रमाणपत्र प्रकरणी 70 जणांची चौकशी

या प्रकरणी दोघांना अटक, गुन्हे शाखेची कारवाई

2016 ते 2026 दरम्यानच्या कालावधीत घडला घोटाळा

बनावट क्रीडा प्रमाणपत्र प्रकरणी महाराष्ट्र राज्य कुराश असोसिएशनचे अध्यक्ष अंकुश विठ्ठल नागर आणि सचिव शिवाजी साळुंखे या आरोपींना गुन्हे शाखेनं अटक केलीये. एव्हंढच नव्हे तर बनावट प्रमाणपत्रांद्वारे पोलीस दलात भरती झालेल्या 19 कर्मचाऱ्यांची कसून चौकशी सुरू आहे. गेल्या 10 वर्षांत भरती उमेदवारांपैकी 9 जण प्रशिक्षणासाठी गेल्याचे तपासात निदर्शनास आलंय.

खरंतर, व्यावसायिक अभ्याक्रमांच्या प्रवेश परीक्षा आणि नोकरभरतीत झालेल्या पेपरफुटीमुळे राज्यासह देशभरात संतापाचं वातावरण आहे. त्यामुळे पुणे पोलीस भरती घोटाळ्यात पोलिस दलातील आणि क्रीडा विभागातील कुणी बडे धेंडे आहेत का? आणि या भरती घोटाळ्यात कुणाचे उखळ पांढरे झालेत?.याचा तपास होणं गरजेचं आहे...