पुण्यातून एक धक्कादायक बातमी समोर येत आहे. कोरेगाव पार्क परिसरातील एका हॉटेलवर छापा टाकून पोलिसांनी वेश्याव्यवसायाचे रॅकेट उघडकीस आणले आहे. पोलिसांनी गुप्त माहितीच्या आधारे हॉटेलवर छापा टाकला. तेव्हा हे प्रकरण उघडकीस आलं. या प्रकरणी पोलिसांनी एका विदेशी महिलेसह २ परराज्यातील महिलांची सुटका केलीय. या प्रकरणाचा पुढील तपास पोलिसांकडून सुरू आहे.

मिळालेल्या माहितीनुसार, कोरेगाव पार्क परिसरातील एका हॉटेलमध्ये वेश्याव्यवसाय सुरू असल्याची माहिती मिळाली होती. गुप्त माहितीच्या आधारे पोलिसांनी हॉटेलवर धाड टाकली. तेव्हा हॉटेलमध्ये गुप्त माहितीच्या आधारे मिळालेली बातमी खरी ठरली. पोलिसांनी छापा टाकून वेश्याव्यवसाय रॅकेटचा पर्दाफाश केला.

पोलिसांनी दिलेल्या माहितीनुसार, कोरेगाव पार्क परिसरात विदेशी आणि परराज्यातील महिलांकडून वेश्याव्यवसाय सुरू असल्याची माहिती पोलिसांना मिळाली. तसेच अनैतिक मानवी वाहतूक व व्यापार प्रतिबंध (एएचटीयू) कक्षाला याबाबत माहिती मिळाली. त्यानुसार पोलीस निरीक्षक आशालता खापरे यांच्या मार्गदर्शनाखाली कारवाई करण्यात आली.

पोलिस पथकाने बनावट ग्राहकाच्या मदतीने द हेवन हॉटेल येथे सापळा रचला. कारवाईदरम्यान आदित्य सिंह आणि राहुल सन्याशी यांच्या सांगण्यानुसार महिलांना वेश्याव्यवसायासाठी आणले जात असल्याचे उघड झाले. या प्रकरणी पोलिसांनी आदित्य अनिलकुमार सिंह (वय ३१, रा. जर्मन बेकरीजवळ, कोरेगाव पार्क) आणि राहुल मदन ऊर्फ राहुल सन्याशी या संशयित आरोपींवर गुन्हा दाखल केला. या घटनेनंतर कोरेगाव पार्क परिसरात खळबळ उडाली असून, पुढील तपास पोलिसांकडून सुरू आहे.