पुण्यातून एक अत्यंत धक्कादायक बातमी समोर येत आहे. एका अल्पवयीन परदेशी मुलीची तब्बल तीन लाख रूपयांना विक्री करण्यात आल्याचा प्रकार उघडकीस आला आहे. ही विक्री पुण्यातील तुळशीबाग परिसरातील एका खोलीत करण्यात येत होती.

परदेशी मुलीला जबरदस्तीने खोलीत डांबून ठेवलं होतं. तसेच तिला वेश्या व्यवसाय करण्यास भाग पाडत होते. मुलीला पोलिसांची धमकीही देण्यात आली होती. या प्रकरणाची माहिती पोलिसांना मिळाल्यानंतर त्यांनी ५ जणांविरोधात गुन्हा दाखल केला आहे.

चंपा असे परदेशी महिलेचे नाव आहे. ती बांगलादेशातील रहिवासी असल्याची माहिती आहे. काही आरोपींनी मुलीला एका खोलीत डांबून ठेवलं. "तू परदेशी नागरिक आहेस, खोलीबाहेर गेलीस तर, पोलीस तुझ्यावर कारवाई करतील", अशी धमकी तिला देण्यात आली होती. धक्कादायक बाब म्हणजे ही विक्री पुण्यातील तुळशीबाग परिसरातील एका खोलीत करण्यात येत होती. नंतर तिला वेश्या व्यवसाय करण्यास भाग पाडत होते.

या घटनेची माहिती पोलिसांना मिळाल्यानंतर त्यांनी तातडीने तुळशीबागेत धाव घेतली. तसेच आरोपीच्या तावडीतून मुलीची सुटका केली. या प्रकरणी आरोपी फरासखाना पोलीस ठाण्यात पाच जणांविरोधात गुन्हा दाखल करण्यात आला आहे. तसेच पुढील तपास पोलिसांकडून सुरू आहे.

आरोपींनी आणखी कुणा मुलीची अशी विक्री केली आहे का? याचाही तपास पोलिसांकडून सुरू आहे. या घटनेमुळे मानव तस्करीचा घाणेरडा चेहरा पुन्हा एकदा समोर आला आहे.