Pune News Saam Tv
मुंबई/पुणे

Metro News : पुणेकरांना खुशखबर, गणेशोत्सावत मेट्रो रात्री २ वाजेपर्यंत धावणार

Pune News : गणेशोत्सवाच्या पार्श्वभूमीवर पुणेकरांसाठी मोठी आनंदाची बातमी. पुणे आणि पिंपरी चिंचवडमध्ये मेट्रो आता रात्री २ वाजेपर्यंत धावणार असून विसर्जनाच्या दिवशी सलग ४१ तास अखंड सेवा मिळणार आहे.

Alisha Khedekar

  • पुण्यात मेट्रो आता रात्री २ वाजेपर्यंत धावणार

  • विसर्जनाच्या दिवशी मेट्रो सलग ४१ तास अखंड सेवा देणार

  • गणेशोत्सव काळात गर्दी टाळण्यासाठी नागरिकांना दिलासा

  • सरकार, पोलीस आणि मेट्रो प्रशासनाचे संयुक्त नियोजन लागू

पुणेकरांसाठी महत्त्वाची बातमी समोर आली आहे. गणेशोत्सवाच्या पार्श्वभूमीवर पुणे मेट्रो प्रशासनाने महत्त्वाचा निर्णय घेतला असून आता मेट्रोचे वेळापत्रक बदलण्यात आले आहे. उद्यापासून पुणे आणि पिंपरी चिंचवडमध्ये मेट्रो सकाळी ६ वाजल्यापासून रात्री २ वाजेपर्यंत धावणार आहे. या निर्णयामुळे पुण्यातील भाविकांना मोठा दिलासा मिळणार आहे.

गणेशोत्सव हा पुण्याच्या सांस्कृतिक परंपरेचा अविभाज्य भाग आहे. प्रत्येक वर्षी लाखो भाविक गणरायाच्या दर्शनासाठी पुण्यात येतात. विशेषतः शनिवारवाडा, कसबा गणपती, दगडूशेठ हलवाई गणपती, गुरुजी तालिम गणपतीसह इतर मानाच्या गणपती मंडळांना भाविकांची प्रचंड गर्दी असते. या पार्श्वभूमीवर पुणे शहरात वाहतुकीचा मोठा ताण निर्माण होतो. त्यामुळे प्रवाशांना सुखकर प्रवास करता यावा म्हणून मेट्रो सोयीस्कर ठरणार आहे.

भाविकांची वाढती संख्या लक्षात घेऊन ५ सप्टेंबरपर्यंत मेट्रोचे वाढीव वेळापत्रक लागू राहणार आहे. म्हणजेच या कालावधीत प्रवाशांना रात्री दोन वाजेपर्यंत मेट्रोची सोय उपलब्ध होणार आहे. एवढंच नव्हे तर ६ सप्टेंबर रोजी विसर्जनाचा दिवस असल्याने मेट्रो प्रशासनाने आणखी एक महत्त्वाचा निर्णय घेतला आहे. विसर्जनाच्या दिवशी पुणे मेट्रो सलग तब्बल ४१ तास अखंड धावणार आहे.

गणेशोत्सवाच्या पार्श्वभूमीवर राज्य सरकार, पोलीस विभाग, वाहतूक विभाग, महानगरपालिका आणि मेट्रो प्रशासनाने संयुक्तपणे नियोजन केले आहे. पोलिसांकडून सुरक्षा वाढवण्यात आली आहे, तर मेट्रो स्थानकांवर अतिरिक्त कर्मचारी तैनात केले जाणार आहेत. पुण्यातील सर्व प्रमुख मानाच्या मंडळांपर्यंत पोहोचण्यासाठी आता भाविकांना मेट्रो ही सर्वात सोयीस्कर सोय ठरणार आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Uddhav Thackeray: संख्याबळ नाही तरी चमत्कार घडेल; उद्धव ठाकरेंचं सूचक विधान|VIDEO

Instagram Earnings: कोणत्या देशातील Instagram क्रिएटर्स सर्वात जास्त कमाई करतात? जाणून घ्या

Manoj Jarange Patil Protest Live Updates : सीएसएमटी स्थानकावर मराठ्यांची गर्दी, पाय ठेवायलाही जागा नाही

Local Train Viral Video: ठाणे-वाशी लोकलमध्ये तरूणाचं अश्लील कृत्य, महिलेला समजताच थोबाड फोडलं

Maharashtra Live News Update: नवी मुंबईत मुसळधार पाऊस

SCROLL FOR NEXT