पुण्याकरांचे पाण्याचे टेन्शन आता पूर्णपणे मिटली आहे. पुणे शहराला (Pune City) पाणीपुरवठा करणारी चारही धरणं काठोकाठ भरली आहेत. त्यामुळे पुणे शहरावरील पाणीसंकट टळलं असून पुणेकरांना मोठा दिलासा मिळाला आहे. पुण्यामध्ये जून महिन्यात म्हणावा तसा पाऊस झाला नव्हता. पण जुलै महिन्यात झालेल्या जोरदार पावसामुळे धरणांमधील (Pune Dam Water Level) पाणीसाठ्यात झपाट्याने वाढ होत गेली.
मिळालेल्या माहितीनुसार, पुण्याला पाणी पुरवठा करणाऱ्या चार ही धरणात २६.४६ टीएमसी पाणीसाठा जमा झाला आहे. गेल्या वर्षी याच दिवशी चार धरणं मिळून ८१.२२ टक्के पाणीसाठा जमा होता. यावर्षी धरण पाणलोट क्षेत्रात चांगला पाऊस झाला. त्यामुळे मागील वर्षाच्या तुलनेमध्ये ९ टक्के जास्त पाणीसाठा या चारही धरणात आहे. सध्या पुण्याला पाणी पुरवठा करणाऱ्या चार ही धरणांमध्ये एकूण ९०.७६ टक्के इतका पाणीसाठा जमा झाला आहे.
खडकवासला धरणातून सध्या ११४०७ क्यूसेक्स पाण्याचा विसर्ग सुरू आहे. खडकवासला धरणातून पाण्याचा विसर्ग वाढवण्यात येत आहे. धरण पाणलोट क्षेत्रात चांगला पाऊस पडत असल्यामुळे पाण्याचा विसर्ग वाढवला जात आहे.पुण्यातील नदी पात्रातील रस्ते वाहतुकीसाठी बंद करण्यात आले आहे. त्याचसोबत नदाकाठावर राहणाऱ्या पुणेकरांना देखील सतर्कतेचा इशारा देण्यात आला आहे.
- खडकवासला - ७२.८३ टक्के
- पानशेत - ९०.७२ टक्के
- वरसगाव - ९२.८२ टक्के
- टेमघर - ९३.२८ टक्के
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.