पुणे - उद्योगनगरीं पिंपरी चिंचवड (Pimpri Chinchwad) शहारातील फॉरमायका कपंनीत मोठ प्रमाणात बेकायदेशीर झाडांची कत्तल केल्याची धक्कादायक बाब उघडकीस आली आहे. धक्कादायक बाब म्हणजे तोडलेल्या वृक्षाचे पुरावे नष्ट करण्यासाठी, या जागेचं JCB द्वारे सपाटीककरणं करण्यात आलं आहे. मात्र आता परिसरात दिसणाऱ्या या मोकळ्या भूखंडावर किती मोठ्या प्रमाणात वृक्ष होते. हे या सॅटॅलाइट इमेज वरून स्पष्ट होत आहे.

पिंपरीतील अपना - वतन या सामाजिक संघटनेण हे प्रकरण उघडकीस आणलं आहे आणि त्यानंतर महापालिका प्रशासन खडबडून जागं झालं आहे. महापालिकेचे प्रशासक राजेश पाटील यांनी आता संबंधित कंपनी प्रशासनाला अवैध वृक्ष तोड केल्या प्रकरणी तब्बल 45 लाख रुपयांचा दंड ठोठावला आहे.

हे देखील पाहा -

मात्र महापालिका करत असलेली कारवाई किरकोळ असून प्रशासक राजेश पाटील हे वृक्ष तोड प्रकरणात सहभागी असलेल्या ठेकदार आणि पालिका अधिकारी कर्मचाऱ्याला पाठीशी घालत असल्याचा आरोप आता अपना वतन संघटनेनं केला आहे. त्यामुळे शेकडो देशी झाडांची कत्तल करणाऱ्या या प्रकरणाकडे दुर्लक्ष करणारा पिंपरीतील खरा पुष्पा कोण? असा प्रश्न आता नागरिकांकडून विचारण्यात येत आहे.

विकासाच्या नावावर पिंपरी -चिंचवडमध्ये अनेक ठिकाणी मोठ्या प्रमाणावर वृक्षतोड सुरु आहे. राजकीय पुढारी , वरिष्ठ अधिकाऱ्यांच्या मर्जीने अतिशय पद्धतशीरपणे उद्यान विभागातील अधिकारी सुपारी घेऊन झाडांची कत्तल करीत असल्याचा आरोप देखील संतप्त नागरिकांनी केला आहे.