अक्षय बडवे

Pune ST bus Accident News:

पुण्यात भरधाव एसटीचा अपघात झाल्याची धक्कादायक घटना घडली आहे. भरधाव एसटी बसचा अचानक ब्रेक फेल झाल्यााने अपघात झाल्याची घटना घडली आहे. या एसटीने रस्त्यावरील ७ वाहनांना उडवले आहे. या अपघातात सहा जण जखमी झाल्याची माहिती मिळाली आहे. पुण्यातील फातिमा नगर भागात मंगळवारी रात्री ही घटना घडली आहे. (Latest Marathi News)

मिळालेल्या माहितीनुसार, पुण्यातील फातिमा नगर भागात जात असलेल्या भरधाव एसटी बसने दोन मोटारींसह पाच दुचाकींना धडक दिल्याची घटना घडली आहे. भरधाव एसटीचा अचानक ब्रेक झाल्याने अपघात झाल्याची माहिती मिळाली आहे. मंगळवारी रात्री ही अपघाताची घटना घडली.

या अपघातात आठ वर्षीय मुलासह सहा जण जखमी असल्याची माहिती आहे. या अपघातानंतर परिसरात एकच खळबळ उडाली. या अपघात प्रकरणी पोलिसांनी एसटी बसचालक चंद्रशेखर स्वामी (रा. सांगोला) याला ताब्यात घेण्यात आलं आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नेमकं काय घडलं?

एसटी बस सांगोला येथून पुण्यातील स्वारगेट एसटी स्टँडकडे जात होती. त्यावेळी फातिमानगर येथील काळूबाई मंदिर चौक परिसरात बसचे ब्रेक अचानक निकामी झाले. या भरधाव एसटीने दोन मोटारींसह पाच दुचाकींना धडक दिली.

या अपघातात मोटारीतील आठ वर्षीय मुलाच्या डोक्याला गंभीर दुखापत झाली आहे. तर, या अपघातात अन्य सहा जण किरकोळ जखमी झाले आहेत. पोलिसांनी एसटी चालकाला ताब्यात घेतले होते. याबाबत रात्री उशिरापर्यंत वानवडी पोलीस ठाण्यात गुन्हा दाखल करण्याचे काम सुरू होते.

अपघातानंतर रस्त्यावर वाहतूक कोंडी

पुण्यातील फातिमानगर परिसरात अपघात झाल्यानंतर या रस्त्यावर वाहतूक कोंडी झाली होती. या मार्गावर नेहमी वाहतूक कोंडी होत असते. या बसमध्ये ३० प्रवासी प्रवास करत होते.

अपघात झाल्यानंतर बसमधील सर्व प्रवासी घाबरले. घटनेनंतर त्यांनी आरडण्यास सुरुवात केली. या अपघातात वाहनांचे मोठे नुकसान झाले आहे. या अपघातातील जखमींवर रुग्णालयात उपचारासाठी दाखल करण्यात आलं आहे.