मावळ : पुणे- मुंबई एक्सप्रेस हायवेवर मुंबई लेनवर आयटीएमएस प्रोजेक्ट अंतर्गत खंडाळा हद्दीत गन्ट्री (Mumbai Pune Expressway) बसविण्याचे काम हाती घेण्यात आले आहे. या कामासाठी दुपारी १२ ते २ वाजेपर्यंत मुंबई लेनवरील सर्व प्रकारची वाहतूक पूर्णपणे बंद करण्यात येणार आहे. (Live Marathi News)

पुणे आणि मुंबईकडे जाणाऱ्या वाहनधारकांची द्रुतगती महामार्ग महत्त्वाचा मानला जातो. अनेक प्रवासी नागरीक या मार्गावर दररोज ये जा करत असतात. या द्रुतगती महामार्गावर नेहमीच वाहनांची मोठी गर्दी असते. या दरम्यान आज मंगळवारी दोन तासांचा ब्लॉक घेतल्याने मुंबईला जाणाऱ्या प्रवाशांनी ब्लॉकच्या वेळा पाहून प्रवासाचे नियोजन करावे लागणार आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

खंडाळा हद्दीत दोन तासांचा १२ ते २ या वेळेत ब्लॉक घेण्यात आल्याने या यावेळेत मुंबई वाहिनीवरील सर्व प्रकारची वाहतूक पूर्णपणे बंद असेल. जड-अवजड वाहने ही उर्से टोल नाका तसेच शोल्डर लेनवर थांबविण्यात येणार आहेत. तर केवळ कारसाठी किमी ५५ लोणावळा एक्झिट येथून जुना पुणे मुंबई महामार्ग - अंडा पॉईंट मार्गे मुंबई बाजूकडे वाहतूक सुरू राहणार आहे.