Pune lockdown viral message fact check : इंधन संकटामुळे पुण्यात अचानक 'लॉकडाऊन' (Pune Lockdown) लागू करण्यात आल्याची एक बातमी सध्या सोशल मीडियावर वणव्यासारखी पसरली आहे. या बातमीमुळे पुणेकरांमध्ये प्रचंड संभ्रम आणि भीतीचे वातावरण निर्माण झाले आहे. पण सोशल मीडियावरील हा दावा पूर्णपणे खोटा आणि दिशाभूल करणारा असल्याचे आता समोर आले आहे. 'महाडीजीआयपीआर' (MahaDGIPR Fact Check) आणि पुणे पोलिसांनी यावर अधिकृत स्पष्टीकरण दिले आहे. नक्की पुण्यात काय परिस्थिती आहे? पोलिसांनी कोणते निर्बंध लावले आहेत आणि त्या व्हायरल मेसेजमागचं सत्य काय?

पुण्यात लॉकडाऊन लागल्याची बातमी खोटी

पुण्यात लॉकडाऊन लागू करण्यात आल्याचा सोशल मीडियावरील दावा पूर्णपणे दिशाभूल करणारा आणि खोटा आहे. महाराष्ट्र शासनाच्या माहिती व जनसंपर्क महासंचालनालयाने (DGIPR Fact Check) या अफवेचे खंडन केले आहे. पुणे पोलिसांनी दिलेल्या माहितीनुसार, शहरात कोणताही लॉकडाऊन लावण्यात आलेला नाही. आगामी सण-उत्सवांच्या पार्श्वभूमीवर केवळ कायदा व सुव्यवस्था राखण्यासाठी आणि गर्दी नियंत्रणासाठी काही विशेष निर्बंध लागू करण्यात आले आहेत. नागरिकांनी कोणत्याही अफवांवर विश्वास ठेवू नये, असे आवाहन प्रशासनाने केले आहे.

सरकारने नेमकं स्पष्टीकरण काय दिले -

इंधन संकटामुळे पुण्यात लॉकडाऊन लागू करण्यात आल्याचा सोशल मीडियावरील दावा दिशाभूल करणारा आहे. पुणे पोलिसांनी असा कोणताही लॉकडाऊन लागू केला नसल्याचे स्पष्ट केले आहे. सण-उत्सवांच्या पार्श्वभूमीवर कायदा व सुव्यवस्था राखण्यासाठी आणि गर्दी नियंत्रणासाठी काही निर्बंध लागू करण्यात आले आहेत.

पुण्यात जमावबंदी आदेश

पुण्यात १४ दिवसांपासून मंगळवारी रात्रीपासून जमावबंदी आदेश लागू करण्यात आले आहेत. पण पुण्यात कोणत्याही प्रकारचा लॉकडाऊन लावण्यात आलेला नाही. पुण्यात जमावबंदी काळात आंदोलन मोर्चे सभांना बंदी घालण्यात आली आहे. सध्या पेट्रोल डिझेलच्या दरवाढीमुळे पुणे शहरात मोठ्या प्रमाणात राजकीय संघटना आणि सामाजिक संघटनांकडे आंदोलन करण्यात येते त्या पार्श्वभूमीवर आदेश काढलेत का असा प्रश्न विचारला जातोय. या आदेशानुसार नुसारशस्त्रे बाळगणे दगड, स्फोटके, लाठ्या इ. ठेवणे ,भडकाऊ घोषणा, गाणी, भाषणे,सार्वजनिक शांतता भंग करणाऱ्या कृती यांवर बंदी लागू करता येते. जर एखाद्या व्यक्तीने वरील बंदीचे उल्लंघन करून शस्त्र किंवा धोकादायक वस्तू बाळगल्या तर: पोलीस त्या वस्तू जप्त करू शकतात संबंधित व्यक्तीवर कारवाई होऊ शकते.