सचिन जाधव, साम टीव्ही

Pune News : पुण्यात कोयता गँगचा धुमाकूळ सुरु असल्याचं दिसून येत आहे. पुण्यात कोयता गँगने शुक्रवारी मध्यरात्री कोयते हातात घेत अनेक घरांवर टोळक्याकडून हल्ला केला आहे. या गुंडांनी अनेक घरांवर हल्ला करत दरवाजांची तोडफोड केली आहे. पुण्यातील वानवडी भागात ही धक्कादायक घटना घडली. वानवडीमधील या घटनेने परिसरात खळबळ उडाली आहे.

मिळालेल्या माहितीनुसार, पुण्यात गेल्या काही वर्षांपासून कोयता गँगचा नंगानाच सुरु आहे. पुण्यातील या गँगने पुन्हा एकदा शहरात धुमाकूळ घालायला सुरुवात केल्याचं चित्र दिसत आहे. आहे. पुण्यातील वानवडी परिसरात कोयता गँगमधील गुंडांनी कोयता हातात घेऊन अनेक घरावर हल्ले केले. कोयता गँगमधील गुंडांनी अनेक घरांच्या दरवाजांची तोडफोड केली.

पुण्यातील वानवडी भागात असणाऱ्या महादजी शिंदे शाळा परिसरात मध्यरात्री अज्ञातांकडून कोयते हातात घेत परिसरात दहशत माजवण्याचा प्रयत्न केला. या गुंडांकडून अनेक घरांच्या दरवाजांची तोडफोड करण्यात आली आहे. सीसीटीव्हीमुळे गुंडांनी चेहरे झाकून घरांच्या दरवाजांची तोडफोड केली. या घटनेने वानवडी परिसरात खळबळ उडाली आहे. पोलिसांनी या घटनेने गुंडाचा शोध सुरु केला आहे.

कायदा सुव्यस्थेचा प्रश्न ऐरणीवर

पुण्यात गेल्या काही वर्षांपासून कोयता गँगकडून परिसरात दहशत पसरवणे सुरुच आहे. गेल्या काही वर्षांपासून पुण्यातील कोयत्या गँगची गुन्हेगारी वाढली आहे. कोयता गँगची गुन्हेगारी रोखण्यासाठी पोलिसांकडून कारवाईचा सपाटा लावलाय. मात्र, तरीही शहरात कोयता गँगचा धुमाकूळ सुरुच असल्याचं पाहायला मिळत आहे. कोयता गँगच्या गुन्हेगारी कृत्यामुळे परिसरात एकच दहशत पसरली आहे. या कोयता गँगमुळे शहरातील कायदा सुवव्यस्थेचा प्रश्न ऐरणीवर आला आहे.