मुलासाठी रायगडाच्या कड्यावरून उतरणाऱ्या हिरकणीची कथा तुम्ही ऐकली असेल. मात्र मुलासाठी स्वत:चा जीव धोक्यात घालून बिबट्याला भिडणारी वाघिणीसारखी ही आई पाहा.खेड तालुक्यातील निमगाव रेटवडी परिसरात मुलाचा घास घेण्यासाठी आलेल्या बिबट्यालाच अश्विनी गव्हाणे वाघिणीसारख्या भिडल्या.आणि आपल्या चिमुकल्या लेकराला वाचवलं.

अवघ्या पंधरा दिवसात निमगाव रेटवडी परिसरात तिसऱ्यांदा चिमुकल्यांवर बिबट्याने हल्ला केल्याने परिसरात भीतीचं वातावरण आहे. बिबट्याच्या हल्ल्यात जरी चिमुकला सुखरुप बचावलाय.अश्विनी गव्हाणेंच्या धाडसाचं डॉक्टरांनीही कौतुक केलयं. दुसरीकडे बिबट्याच्या हल्ल्यांमुळे ग्रामस्थांनी आक्रमक पवित्रा घेतलाय. बिबट्याचा बंदोबस्त करा, अन्यथा तीव्र आंदोलन करू, असा इशारा ग्रामस्थांनी दिलाय.

जुन्नर, सोलापूर, कोल्हापूरमध्ये बिबट्यांनी हैदौस घातलेले असतानाच आता खेडमधील बिबट्यांचा हा हल्ला चिंता वाढवणारा आहे. आईच्या धाडसामुळे जरी चिमुकल्याचा जीव वाचला असला तरी बिबट्यांचा संपूर्ण बंदोबस्त कधी होणार असा संतप्त सवाल नागरिकांनी केलाय