पुण्यातील वाहतूक कोंडी कमी करण्यासाठी एक महत्त्वाचा निर्णय घेण्यात आला आहे. महाराष्ट्र राज्य पायाभूत सुविधा महामंडळाने पुणे जिल्ह्यात दोन नवीन प्रकल्प हाती घेतले आहे. यामध्ये तळेगाव-चाकण-शिक्रापूर महामार्ग ते हडपसर- यवत महामार्गाचा समावेश आहे. हे दोन्ही प्रकल्प आता लवकरच सुरु होणार आहे. या प्रकल्पांच्या कामाचा मार्ग मोकळा झाला आहे. या रस्त्यांचा प्रोजेक्ट मोंटेकार्ले कंपनीला देण्यात आली आहे.

आता लवकरत निविदा अंतिम केली जाणार आहे. यानंतर महिन्याभरात दोन्ही प्रकल्पांच्या कामाला सुरुवात करण्याचे एमएसआयडीसीचे नियोजन आहे.

काय आहे प्रकल्प?

MSIDC तळेगाव-चाकण-शिक्रापूर राष्ट्रीय महामार्गा क्रमांक ५४८ डीच्या दुरुस्तीचे काम दोन टप्प्यात होणार आहे. एकूण ५३.२०० किमी लांबीचा हा रस्ते असणार आहे. यातील २४.२०० किमीचा टप्पा उन्नत असणार आहे. तर उरलेला टप्पा जमिनीला समांतर असणार आहे. आता या कामाचे कंत्राट मोंटेकार्लो लिमिटेड कंपनीला मिळालं आहे.

२-३ वर्षात होणार काम पूर्ण

मोंटेकार्लो कंपनीला अजून एक कंत्राट मिळालं आहे. एमएसआयडीसीकडून हडपसर-यवत अशा उन्ना मार्गिकेचीही काम होणार आहे. यामुळे पुणे सोलापूर महामार्गावरुल वाहतूक कोंडी कमी होणार आहे. या प्रकल्पाअंतर्गत सहा पदरी उन्नत महामार्ग बांधला जाणार आहे. त्याचसोबत सध्याच्या रस्त्याचे सहा पदरीकरण केले जाणार आहे.आता दोन्ही प्रकल्पांच्या निविदेचा प्रस्ताप राज्य सरकारकडे पाठवण्यात येणार आहे. सरकारची मान्यता मिळाल्यानंतर काम सुरु होईल. हे दोन्ही प्रकल्प २-३ वर्षात वाहनचाकांसाठी सुरु करण्याचे नियोजन आहे.