अक्षय बडवे, साम टीव्ही

पुणे : पुण्यातील डॉक्टर तरुणीने विषारी औषध पिऊन जीवन संपवल्यानंतर एकच खळबळ उडाली आहे. आर्थिक फसवणूक झाल्यानंतर डॉक्टर पल्लवीने जीवन संपवलंय. याच पल्लवीने आत्महत्या करण्यापूर्वी कुटुंबीयांना चिठ्ठी लिहिली होती. त्यात पल्लवीने कुटुंबीयांची माफी मागितली. तसेच मला वाचवण्याचा प्रयत्न करू नका, असेही तिने म्हटले. तिने मृत्यूला कवटाळण्यापूर्वी कुटुंबीयांना लिहिलेला संदेश हेलावून टाकणारा आहे.

काय आहे प्रकरण?

पुण्यातील बिबवेवाडीत पोलीस स्टेशनच्या हद्दीतील २५ वर्षीय डॉक्टर पल्लवी फडतरे या तरुणीने आत्महत्या केली. या पल्लवीची कुलदिप सावंत नावाच्या व्यक्तीने फसवणूक केली होती. पहिले लग्न झाले असतानाही जीवनसाथी डॉटकॉम संकेतस्थळावर अविवाहित असल्याचे सांगत लग्नाचे आमिष दाखवले. त्यानंतर १० लाख रुपये घेतले. तसेच या तरुणाने त्याची पत्नी गरोदर असल्याचेही लपवले होते. या मानसिक धक्क्यातून पल्लवी फडतरेने जीवन संवपलं. तिने तिच्या क्लिनिकमध्येच आत्महत्या केली.

मृत्यूला कवटाळण्यापूर्वीचा कुटुंबीयांना काय संदेश दिला?

पल्लवी फडतरेने आत्महत्या करण्यापूर्वी तिने कुटुंबीयांना चिठ्ठी लिहिली होती. तिने आत्महत्या करण्यापूर्वी लिहिलेल्या पत्रात आई, वडील आणि भावाचा उल्लेख केला होता. मला वाचवण्याचा प्रयत्न करू नका, असे तिने शेवटच्या चिठ्ठीत लिहिलं होतं. लग्नाला नकार आणि तरुणाने आर्थिक फसवणूक केली, हा धक्का सहन न झाल्यामुळे पल्लवीने आत्महत्या केली. पुण्यातील बिबवेवाडीमध्ये असलेल्या क्लिनिकमध्येच आत्महत्या केली.

पोलिसांत गुन्हा दाखल

जीवनसाथी डॉटकॉम संकेतस्थळावर अविवाहित असल्याचं सांगून डॉक्टर पल्लवीला लग्नाचं आश्वासन दिलं होतं. तसेच तिची आर्थिक फसवणूक केल्यानंतर पल्लवी फडतरेने आयुष्य संपवलं. त्यानंतर तिच्या वडिलांनी बिबवेवाडी पोलिस ठाण्यात गुन्हा नोंदवला. त्यानंतर पोलिसांनी कुलदीप आदिनाथ सावंत याच्यावर गुन्हा नोंदवला आला आहे.

दरम्यान, पल्लवीने आत्महत्या केल्याच्या घटनेनंतर परिसरात खळबळ उडाली आहे. पल्लवीच्या मृत्यूने बिबवेवाडी परिसरात शोककळा पसरली आहे. या घटनेनंतर स्थानिकांकडून कठोर कारवाईची मागणी केली जात आहे.