अक्षय बडवे, पुणे प्रतिनिधी

Pune Latest Crime News : ब्रेकअपनंतर तरुणाकडून गर्लफ्रेंडला अश्लील फोटो व्हायरल करण्याची धमकी दिल्याचा प्रकार पुण्यात समोर आला आहे. लग्नासाठी नकार दिल्यानंतर तरुणाकडून गर्लफ्रेंडचे फोटो आणि व्हिडिओ व्हायरल करण्याची धमकी देण्यात आली. याप्रकरणी पुण्यात तरूणाच्या विरोधात गुन्हा दाखल करण्यात आला आहे.

पुण्यातील अलंकार पोलीस स्टेशनच्या हद्दीत हा प्रकार घडला. अश्लील फोटो व्हायरल करण्याची धमकी एक्स बॉयफ्रेंडने दिल्यामुळे तरूणीने पोलिसांत धाव घेतली. तरूणीच्या तक्रारीनंतर पुण्यातील अलंकार पोलीस ठाण्यातील तरूणाविरोधात गुन्हा दाखल करण्यात आला आहे.

मिळालेल्या माहितीनुसार, तरूणी पुण्यात आयटी क्षेत्रात काम करते. आरोपी तरूणासोबत तिचे काही दिवसांपासून अफेअर होते. ब्रेकअप झाल्यानंतर त्या तरूणाने तिला ब्लॅकमेल केल्याचे तक्रारीत मुलीने सांगितलेय. पुण्यातील IT तरुणीला बॉयफ्रेंडकडून धमकीचे मेसेज आणि कॉल येत होते.

या प्रकरणी पोलिसांनी दिलेल्या माहितीनुसार, आरोपी तरुण आणि फिर्यादी तरुणी हे दोघेही मूळचे कोल्हापूरचे आहेत. गेल्या काही वर्षांपासून त्या दोघांचे प्रेम संबंध होते. मागील एक वर्षापासून काही कारणामुळे दोघात वाद झाला. सततच्या वादामुळे मुलीने वेगळे होण्याचा निर्णय घेतला.

ब्रेकअपनंतर पुन्हा गेल्या काही दिवसांपासून आरोपी तरूणाकडून मुलीला वारंवार त्रास दिला जात होता. आरोपी तरुणाने माझ्याशी लग्न कर असा तगादा फिर्यादीने तरुणीच्या मागे लावला होता. वैतागलेल्या तरुणीने लग्नासाठी नकार दिल्यानंतर , रिलेशनशिपमध्ये असतानाच्या फोटो आणि व्हिडिओ फॉर वेबसाईटवर व्हायरल करण्याची तरुणाने धमकी दिली. यावरून आता गुन्हा दाखल करण्यात आला आहे. पोलिस या प्रकरणी तपास करत आहेत.