पुणे : पुण्यातून धक्कादायक घटना समोर आली आहे. पुणे-मुंबई द्रुतगती मार्गालगत असलेल्या झुडपात एका महिलेचा मृतदेह आढळल्याची घटना घडली आहे. या घटनेने परिसरात खळबळ उडाली आहे. पोलिसांनी घटनास्थळी पोहोचून तपास सुरु केला आहे.

मिळालेल्या माहितीनुसार, पुणे-मुंबई द्रुतगती मार्गाजवळील झुडपात एका महिलेचा मृतदेह आढळलाय. तळेगाव पोलीस स्टेशनच्या हद्दीत ही घटना घडली आहे. महिलेची हत्या करून मृतदेह पोत्यात बांधून झुडपात फेकण्यात आला आहे. आज सोमवारी दुपारी दुर्गंधी पसिरसरात पसरली. त्यानंतर आयआरबी पथकाने पोलिसांना कळवलं. पुढे पोलिसांनी प्रत्यक्ष जाऊन पाहणी केली. तिथे पोलिसांना एका पोत्यात महिलेचा मृतदेह आढळून आला.

पुणे-मुंबई द्रुतगती मार्गाजवळील हत्या करण्यात आलेल्या महिलेचं अंदाजे वय ३५ वर्षांची असावी. पण ती नेमकी कोण? तिची हत्या कोणी केली? येथील मृतदेह कोणी आणून फेकला? याचा शोध घेणे सुरु आहे. तर दुसरीकडे ही हत्या नेमकी कशी आणि कधी करण्यात आली? याचा शोध घेणे सुरु आहे. तर दुसरीकडे ही हत्या नेमकी कशी आणि कधी करण्यात आली? द्रुतगती लगतच्या झुडपात हा मृतदेह कधीपासून आहे? याचा तपास केला जात आहे.

उल्हासनगरमध्ये सख्ख्या मामानेच मुलीची हत्या

उल्हासनगरमध्ये काही दिवसांपूर्वी खळबळजनक घटना घडली. उल्हासनगरमध्ये तीन वर्षीय चिमुकलीची हत्या करून मृतदेह जाळण्यात आल्याची संतापजनक घटना घडली. या चिमुकलीची हत्या तिच्या मामानेच केल्याचं पोलीस तपासात उघड झालं. या प्रकरणी हिललाईन पोलिसांनी मुलीच्या आरोपी मामाला बेड्या ठोकल्या आहेत. मामाने भाचीची हत्या केल्याच्या या घटनेने परिसरात एकच खळबळ उडाली आहे.