सचिन जाधव, पुणे प्रतिनिधी

Bhide bridge closed Pune : पुणेकरांसाठी महत्त्वाची बातमी आहे. आजपासून शहरातील ऐतिहासिक भिडे पूल वाहतुकीसाठी पूर्णपणे बंद करण्यात आला आहे. मेट्रोच्या कामासाठी आणि देखभालीसाठी हा निर्णय घेण्यात आला आहे. भिडे पूल बंद करण्यात आला आहे. या काळात वाहनचालकांना पर्यायी मार्गांचा वापर करावा, असे आवाहन वाहतूक पोलिसांनी केले आहे. भिडे पूल बंद केल्यामुळे शहरातील वाहतूक व्यवस्थेवर मोठा परिणाम होण्याची शक्यता आहे.

आजपासून भिडे पूल वाहतुकीसाठी बंद करण्यात आला आहे. पुणे मेट्रोच्या डेक्कन स्थानकाला जोडणाऱ्या पादचारी पुलाच्या कामानिमित्त बाबा भिडे पूल आजपासून वाहतुकीसाठी दीड महिना बंद राहणार आहे. या काळातील वाहतूक पर्यायी मार्गाने वळवण्यात आली आहे. या बंदमुळे डेक्कन जिमखाना, नारायण पेठ आणि कर्वे रस्त्यावरील वाहतुकीवर परिणाम होऊ शकतो. नागरिकांनी वाहतूक पोलिसांच्या सूचनांचे पालन करावे.

पर्यायी मार्ग काय?

भिडे पुलामार्गे डेक्कन जिमखानाकडे येणाऱ्या वाहनांनी टिळक चौक खंडोजीबाबा चौका मार्गे इच्छित स्थळी जावे. काकासाहेब गाडगीळ पुलामार्गे वाहन चालकांनी डेक्कन जिमखानाकडे जावे. नारायण पेठेतील केळकर रस्ता महर्षी विठ्ठल रामजी शिंदे पुलामार्गे वाहन चालकांनी डेक्कन जिमखानाकडे जावे.

नदीपात्रातील रस्त्याने महेंद्र गॅरेज चौकाकडे जाणाऱ्या वाहन चालकांनी टिळक चौक खंडोजी बाबा चौक मार्गे कोथरूडकडे जावे. पूना हॉस्पिटल परिसरातील फुल केवळ दुचाकी वाहनांसाठी खुला आहे. डेक्कन पीएमपी स्थानकातून नारायण पेठेकडे जाणाऱ्या वाहनांनी टिळक चौकामार्गे जावे असे आवहान वाहतूक पोलीस उपायुक्त यांनी केले आहे.

झेड-ब्रिज (Z-Bridge): डेक्कन जिमखाना, फर्ग्युसन कॉलेज रस्ता आणि शिवाजीनगर परिसरातून पेठ भागात जाण्यासाठी उपयुक्त.

लकडी पूल (Sambhaji Bridge): कर्वे रस्ता, तिलक रस्ता आणि लक्ष्मी रस्ता जोडणारा हा पूल मध्यवर्ती भागासाठी पर्याय आहे.

बाल गंधर्व पूल (Bal Gandharva Bridge): शनिवार पेठ, नारायण पेठ आणि लक्ष्मी रस्त्यावरील रहिवाशांसाठी हा पूल सोयीचा आहे.