कल्याण : कल्याण (Kalyan Junction) ते कसारा (Kasara Railway Station) रेल्वे मार्गावर तिसरी आणि चौथी रेल्वे लाईन (New Railway Line) विकसित करण्यासाठी जमीन संपादन (land acquisition) करण्यासाठी थेट खरेदीची प्रक्रिया राबविला जात होती. या प्रक्रियेस अल्प प्रतिसाद मिळत असल्याने येत्या आठवड्यात सक्तीने जमीन संपादनाची प्रक्रिया राबविली जाईल अशी माहिती कल्याणचे उपविभागीय अधिकारी अभिजीत भांडे पाटील (Kalyan Sub-Divisional Officer Abhijit Bhande-Patil) यांनी दिली आहे. त्यामुळे प्रकल्पासाठी जमीन संपादनाची प्रक्रिया गतिमान होऊन संपादनाची प्रक्रिया पूर्ण होताच प्रकल्पाच्या प्रत्यक्ष कामास सुरुवात होणार असल्याचे उपविभागीय अधिकारी अभिजीत भांडे-पाटील यांनी सांगितले. (process of land acquisition for new railway line Kalyan to Kasara will be implemented compulsorily)

हे देखील पहा -

कल्याण ते कसारा रेल्वे मार्गादरम्यान रेल्वेची तिसरी आणि चौथी लाईन विकसीत करण्यासाठी 9.84 हेक्टर जमीन संपादीत करायची आहे. या प्रकल्पात बेरे, राये, पितांबरे, वावेघर, खडवली, बल्याणी, गुरवली, चिंचवली, मोस, मोहने, आंबिवली, मांडा, अटाळी, चिकणघर या गावातील जमीन बाधित होत आहेत. यामध्ये सातबाराचे 248 गट आहे. जमीन संपादनाकरीता उपविभागीय कार्यालयाकडून जमीनीच्या थेट खरेदीची प्रक्रिया राबविली गेली होती. त्यास अत्यल्प प्रतिसाद आला, 248 पैकी केवळ 5 गटांचे संपादन करण्यात आले आहे.

कल्याण कसारा दरम्यान तिसरी आणि चौथी लाईन विकसीत करण्याचा रेल्वेचा महत्वाकांक्षी प्रकल्प आहे. त्यासाठी भूसंपादन तातडीने होण्याकरीता थेट खरेदीची प्रक्रिया राबविली होती. मात्र त्यातून संपादन होत नसल्याने आत्ता सक्तीचे भूसंपादन केले जाणार आहे. त्याची सुरुवात येत्या आठवड्यात केली जाईल असे सांगण्यात आले आहे.

Edited By - Akshay Baisane