पुण्यातील हिट अँड रन हे प्रकरण ताजे असतानाच मुंबईतील एका पब मालकाने अल्पवयीन मुलाला दारु सर्व्ह केली आहे अल्पवयीन मुलाला दारु दिल्यामुळे पबमालकाला अटक केली आहे. मुंबईतील पवई येथील लोटस बार अँड रेस्टॉरंटमध्ये एका अल्पवयीन मुलाला मद्य सर्व्ह केले जात होते.

पवईतील लोटस बार अँड रेस्टॉरंटमध्ये एका १६ वर्षीय मुलाला दारु सर्व्ह केली जात होती. ही माहिती मिळताच पोलिसांनी घटनास्थळी धाड टाकली. पोलिसांनी लोटस बार अँड रेस्टॉरंटच्या मॅनेजर आणि वेटर विरोधात गुन्हा दाखल केला आहे. या घटनेत वेटरने एका सोळा वर्षीय मुलाला मद्य दिल्याचं स्पष्ट झालं आहे. त्यामुळे वेटर आणि मॅनेजरवर कारवाई केली आहे.

पुण्यातील पोर्श कार अपघातानंतर आता मुंबई पोलीस सतर्क झाले आहे. पुण्यात जी घटना घडली ती मुंबईत घडू नये यासाठी पोलिस खबरदारी घेत आहे. याप्रकरणी अल्पवयीन न्याय (मुलांची काळजी व संरक्षण) कायद्याच्या कलम ७७ अंतर्गत ही कारवाई करण्यात आली आहे. याप्रकरणी पोलिस उत्पादन शुल्क विभागाच्या परवाना विभागाला कारवाईचा अहवाल पाठवणार आहे.

पुण्यातील पोर्श कार अपघातानंतर पोलिस यंत्रणा सतर्क झाली आहे. याप्रकरणी ज्या पबमध्ये अल्पवयीन मुलाला दारु देण्यात आली होती. त्या पब मालकावर आणि व्यवस्थापकावर कारवाई करण्यात आली आहे.