मुंबई : नववर्षाच्या प्रारंभाला मुंबईवर दहशतवादी हल्ला ( Terrorist Attack) होण्याची शक्यता आहे. मुंबईमध्ये खलिस्तानी संघटना काही दहशतवादी कारवाया करू शकतात, अशी माहिती केंद्रीय गुप्चचर यंत्रणांना मिळाली आहे. याबातची माहिती रेल्वे पोलीस कैसर खालिद यांनी दिली आहे.

पहा व्हिडीओ -

आणि यामुळेच मुंबई पोलीस सतर्क झाले असून सुरक्षेच्या कारणास्तव मुंबई पोलिसांच्या साप्ताहिक सुट्यांसह (Weekly Vacations) इतर सर्व सुट्या रद्द करण्यात आल्या आहेत. दरम्यान मुंबईमध्ये (Mumbai) पोलिसांकडून हाय अलर्ट (High Alert) जारी करण्यात आल्याने सर्व पोलिसांना कामावरती येण्याच्या सूचना देखील देण्यात आल्या आहेत.

शिवाय ज्या ज्या ठिकाणी जास्त गर्दी होते तिथे जास्तीचा आणि चोख बंदोबस्त करण्याचे निर्देशही मुंबई पोलिसांकडून (Mumbai Police) देण्यात आले आहेत. तर कोणताही अनुचित प्रकार घडू नये यासाठी बॉम्बशोधक आणि नाशक पथक, गुन्हे प्रकटीकरण शाखा, अतिरेकीविरोधी विभागालाही सतर्क राहण्यास सांगण्यात आले आहे. दरम्यान, सामान्य नागरिकांनी घाबरून जाऊ नये, तर सावधगिरी बाळगावी, असे आवाहन पोलीस उपायुक्त आणि प्रवक्ता उपायुक्त चैतन्य यांनी मुंबईकरांना केले आहे.

Edited By - Jagdish Patil